OTMda ikki va undan ortiq farzandi kontraktda o‘qiyotgan oilalarga imtiyozli ta'lim kreditlari berilishi mo‘ljallanmoqda

Vazirlar Mahkamasining qabul qilinishi kutilayotgan qaroriga ko‘ra, 2017-2021 yillarda O‘zbekistonni rivojlantirishning beshta ustuvor yo‘nalishi bo‘yicha Harakatlar strategiyasini “Yoshlarni qo‘llab-quvvatlash va aholi salomatligini mustahkamlash yili”da amalga oshirishga oid davlat dasturida belgilangan vazifalarni amalga oshirish, yoshlarning ta'lim olishi uchun yanada keng imkoniyatlar yaratish, oliy ma'lumot olayotgan fuqarolarni ijtimoiy muhofaza qilishni kuchaytirish maqsadida Markaziy bank respublika oliy ta'lim muassasalarida bir vaqtning o‘zida ikki va undan ortiq farzandi to‘lov-shartnoma asosida o‘qiyotgan oilalarga imtiyozli ta'lim kreditlari berish uchun tijorat banklariga resurslar ajratish yuzasidan Moliya vazirligiga buyurtmanomalar taqdim etilishini yo‘lga qo‘yadi.

Bu imtiyoz nafaqat davlat, balki O‘zbekiston hududida faoliyat ko‘rsatayotgan barcha oliy ta'lim muassasalari (davlat, nodavlat, qo‘shma ta'lim dasturlari va xorijiy davlatlar oliy ta'lim muassasalari filiallari) talabalari uchun ham tatbiq etiladi.