Xususiy sektor vaksinani olib kira olmayapti, olib kirsa e'tiroz yo‘q – Bahodir Yusupaliyev
Bugun, 17 mart kuni Axborot va ommaviy kommunikatsiyalar agentligida “SOVID-19 bilan bog‘liq bugungi vaziyat, vaksinatsiya jarayonlariga tayyorgarlik” mavzusida matbuot anjumani bo‘lib o‘tdi.
Sanitariya-epidemiologik osoyishtalik va jamoat salomatligi xizmati rahbari Bahodir Yusupaliyev vaksinani sotib olish va emlanish mumkinligi bo‘yicha gapirdi.
“Hozircha xususiy sektor vaksinani sotib ololmayapti. Sababi, vaksina yetmayapti. Lekin agar xususiy sektor olib kirsa va pullik asosda emlashni yo‘lga qo‘ysa, biz qarshilik qilmaymiz.
Vaksinatsiya jarayonida talon-torojlikka yo‘l qo‘ymaslikka kelsak, har bir emlangan odam alohida ro‘yxatda turadi. Vaksina ajratilgandan boshlab emlanguncha bo‘lgan jarayon to‘liq nazoratga olinadi”, dedi Bahodir Yusupaliyev.
Bundan oldin, Sanitariya-epidemiologik osoyishtalik va jamoat salomatligi xizmati rahbari O‘zbekistonda emlanish ixtiyoriy bo‘lishi, hech kim majburlanmasligi haqida ma'lum qilgandi.
Mavzuga oid
21:15 / 13.09.2024
JSST maymunchechakka qarshi birinchi vaksinani tasdiqladi
00:00 / 06.09.2024
Kongo mpox’ga qarshi vaksinaning birinchi partiyasini qabul qilib oldi
00:11 / 24.08.2024
Buyuk Britaniyada o‘pka saratoniga qarshi vaksinaning klinik sinovlari boshlandi
20:41 / 08.05.2024