Beshariqda to‘rt kun ichida 14 soatdan ziyod vaqt davomida «svet» bo‘lmagani ma'lum qilindi

Beshariqlik tadbirkordan biri o‘zining Facebook’dagi shaxsiy sahifasida Beshariq tumanida faoliyat ko‘rsatayotgan korxonasida elektr ta'minotining yo‘qligi haqida murojaat qoldiradi.  

Beshariq tuman hokimligi axborot xizmati tadbirkorning ushbu murojaatiga munosabat (https://t.me/beshariq_tumani_AX/1105) bildirdi. Holat Beshariq tuman elektr tarmoqlari korxonasi tomonidan o‘rganib chiqilgan. 

«Haqiqatan ham, joriy yilning 14 – 17 mart kunlari ta'minotda jami 14 soat-u 36 minut uzilishlar bo‘lgan. Natijada elektr ta'minotidagi uzilish tufayli tumandagi tadbirkorlarning ishlab chiqarishida uzilishlar bo‘lib, ishlash imkoniyati bo‘lmagan. Hozirda elektr ta'minotidagi uzilishlarni kamaytirish maqsadida viloyat hokimligi va «Hudud elektr ta'minot» bilan uzilishlarni bartaraf etish choralari ko‘rilmoqda», — deyiladi rasmiy munosabatda. 

Ta'kidlanishicha, tadbirkor Sherzod Erkaboyevga tegishli bo‘lgan korxona 110/35/10 kV Madaniyat nimstansiyasidan chiquvchi 10 kV «Yangi» nomli havo uzatmasidan elektr ta'minoti bilan ta'minlanadi.