Aziz Voitov: O‘zbekistonda «investitsion oazis» yaratildi
O‘zbekiston investitsiyalar va tashqi savdo vaziri birinchi o‘rinbosari Aziz Voitovning ma'lum qilishicha, O‘zbekiston hududida «investitsion oazis» yaratildi.
«O‘zbekiston hududida biz 22ta erkin iqtisodiy zona va 328ta sanoat zonasidan iborat investitsion oazisni yaratdik, ularda qulay ishbilarmonlik muhiti, keng huquqiy kafolatlar tizimi va zarur infratuzilma mavjud», dedi u «Innoprom» ko‘rgazmasida.
Voitovning ta'kidlashicha, hukumat sanoatni modernizatsiya va diversifikatsiya qilish jarayonini davom ettirish, yuqori texnologiyali tarmoqlarni jadal rivojlantirish va energiya tejaydigan texnologiyalarni keng joriy etish niyatida.
«Shu munosabat bilan, O‘zbekiston iqtisodiyotini rivojlantirish va boshqarish transformatsiyasi amalga oshirilmoqda. Yangi islohotlar bosqichiga o‘tish iqtisodiyotni liberallashtirish tamoyillariga asoslangan holda, bozorning yangi mexanizmlarini keng joriy etish, shuningdek davlat rolini qisqartirish va xususiy sektorning iqtisodiyotdagi ishtirokini kengaytirish orqali ro‘y bermoqda», deya qo‘shimcha qildi Voitov.
Avvalroq, O‘zbekiston investitsiyalar va tashqi savdo vaziri Sardor Umrzoqov vaksinatsiyaga qaramay, COVID-19 pandemiyasi 2021 yilda tugamasligini ma'lum qilgandi.
Mavzuga oid
16:25 / 19.09.2024
«Sudga ijtimoiy bosimning oldini olish uchun jarayon yopiq o‘tkazilyapti» – Sudyalar oliy kengashi Aziz Voitov ishi haqida
15:31 / 12.09.2024
Aziz Voitov sudi yopiq tarzda ko‘riladigan bo‘ldi
18:28 / 07.09.2024
Aziz Voitov va boshqalarga oid sudda jurnalistlarga foto va videoga olish taqiqlandi
10:10 / 07.09.2024