Ukraina Rossiyaning Qora dengizning bir qismini yopish to‘g‘risidagi rejasiga norozilik bildirdi
Kiyev xalqaro sheriklarni Moskvaga nisbatan siyosiy-diplomatik bosimni kuchaytirishga chaqirgan.
Ukraina tashqi ishlar vazirligi Rossiyaning Qora dengizning bir qismini vaqtincha yopish to‘g‘risidagi rejasiga nisbatan norozilik bildirdi.
«Rossiya harbiy mashg‘ulotlar o‘tkazish bahonasida kelgusi haftadan Qora dengiz akvatoriyasining bir qismini Kerch bo‘g‘ozi yo‘nalishida boshqa mamlakatlarning harbiy kemalari va kemalari uchun 2021 yilning oktyabrigacha yopishini e'lon qildi», — deyiladi Ukraina TIV bayonotida.
Bayonotda aytilishicha, bu BMT konvensiyasi bilan kafolatlangan xalqaro huquq va kemalar erkinligi huquqi normalarini buzishga urinish hisoblanadi.
Kiyev xalqaro sheriklarni Moskvaga nisbatan siyosiy-diplomatik bosimni kuchaytirishga chaqirgan.
14 aprel kuni Rossiya bosh vaziri Mixail Mishustin mudofaa vazirligiga Azov dengizidagi Taganrog ko‘rfazi akvatoriyasining bir qismini 20 yil davomida foydalanish uchun taqdim etish to‘g‘risidagi farmoyishni imzoladi.
Avvalroq Rossiya mudofaa vazirligi Qora dengizga 10dan ortiq kater va kemalarini jo‘natgani xabar qilingandi.
Mavzuga oid
20:45 / 21.09.2024
Zelenskiy Rossiya bilan muzokara uchun «uchta band» tayyorlayotganini ma’lum qildi
17:47 / 21.09.2024
Ukrainadagi urushning hozirgi pallasi: ekspertlar sharhi
16:30 / 21.09.2024
Ukrainada 300 dan ortiq aholi punkti nomi o‘zgartiriladi
15:30 / 21.09.2024