AQShda bo‘lib o‘tgan «Ilg‘or jangchi» musobaqasida g‘olib bo‘lgan o‘zbekistonlik harbiylar taqdirlandi
Joriy yil 19—24 aprel kunlari Amerika Qo‘shma Shtatlarining Missisipi shtatidagi «Camp Shelby» harbiy o‘quv bazasida o‘tkazilgan «Ilg‘or jangchi» musobaqasining g‘oliblarini taqdirlash marosimi bo‘lib o‘tdi. Bu haqda Mudofaa vazirligining Axborot va ommaviy kommunikatsiyalar departamenti Kun.uz’ga xabar berdi.
Missisipi shtatidagi Qurolli Kuchlar tuzilmalari vakillari, faxriylar va musobaqa ishtirokchilari qatnashgan marosimda tashkilotchilar tomonidan o‘zbekistonlik harbiy xizmatchilar — III darajali serjant Dilmurod Sulaymonov hamda kichik serjant Xayrulla Olimovga musobaqa g‘oliblari uchun beriladigan «Ilg‘or jangchi» mukofoti va ko‘krak nishonlari tantanali ravishda topshirildi.
Ma'lum qilinishicha, g‘olib harbiy xizmatchilar 27 aprel kuni O‘zbekistonga yetib keladi.
Eslatib o‘tamiz, AQShdagi «Camp Shelby» harbiy o‘quv bazasida bo‘lib o‘tgan «Ilg‘or jangchi» musobaqasida, O‘zbekiston vakillari boshqa yo‘nalishdagi bahslarda ham muvaffaqiyatli qatnashgan edi.
Shuningdek, ushbu musobaqada 2019 yildagi ishtiroklari davomida ham o‘zbekistonlik harbiylar 1-o‘rinni qo‘lga kiritishgan edi.
Mavzuga oid
22:03 / 22.09.2024
Tramp debat o‘tkazish haqidagi Harris taklifini rad etdi
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:40 / 21.09.2024
Shimoliy Koreyaga qochib o‘tgan amerikalik askar sharmandalarcha armiyadan haydalgani ma’lum bo‘ldi
17:10 / 21.09.2024