“Tolibon” Afg‘onistondagi 169ta tumanni egallaganini ma'lum qildi
Toliblarning ta'kidlashicha, ular mamlakat hududining 85 foizi ustidan nazorat o‘rnatgan.
“Tolibon” harakati jangarilari Afg‘onistonning turli viloyatlarida 169ta tumanni egalladi. Bu haqda harakat vakili Zabihulla Mujohid ma'lum qildi.
Uning so‘zlariga ko‘ra, toliblar oxirgi ikki oy ichida 400ta tumandan 167tasini egallagan va o‘tgan tunda Hirot va Zabul viloyatlaridagi yana ikki tuman ularning nazoratiga o‘tgan.
"Mujohidlarimiz egallagan tumanlar soni 169taga yetdi", – dedi Mujohid.
Toliblarning ta'kidlashicha, ular mamlakat hududining 85 foizi ustidan nazorat o‘rnatgan.
O‘z navbatida, Afg‘oniston mudofaa vazirligining sobiq vakili general Davlat Vaziriy buni rad etdi.
Mamlakat qurolli kuchlari matbuot kotibi Ajmal Umar Shinvariyning ma'lumot berishicha, Afg‘oniston qurolli kuchlari 14ta tumanni “Tolibon” jangarilaridan qaytarib olgan.
Mavzuga oid
21:44 / 09.11.2024
Afg‘onistonda IIV, Mudofaa vazirligi va razvedka qurol-yarog‘ berish huquqidan mahrum etildi
18:05 / 06.11.2024
Afg‘onistonda ko‘knori yetishtirish hajmi yana oshmoqda - BMT
14:12 / 06.11.2024
O‘zbekiston va YeI afg‘on masalasi bo‘yicha o‘zaro maslahatlashuvni davom ettiradi
22:45 / 02.11.2024