Eronlik harbiylar mamlakatni himoyalashga to‘liq tayyorligini ma'lum qildi
Eron harbiy-havo kuchlari mamlakat chegaralarini har tomonlama himoyalashga to‘liq tayyor, mamlakat havo hududi doimiy nazorat va kuzatuv ostida qolmoqda. Bu haqda Eron harbiy-havo kuchlari qo‘mondoni Aziz Nosirzoda ma'lum qildi.
Nosirzodaning ushbu bayonoti Arabiston dengizida Mercer Street tankeriga hujum qilinishi bilan bog‘liq oxirgi voqealar ortida yangradi. Bir qator g‘arb davlatlari, jumladan Isroil bu hujumda Tehronni ayblamoqda.
Iyul oxirida Liberiya bayrog‘i ostida harakatlangan Mercer Street tankeri Arabiston dengizida hujumga uchragandi. Kemani boshqaruvchi Zodiac Maritime kompaniyasi isroillik tadbirkor Eyal Oferga tegishli. Hujum oqibatida kema ekipajining ikki a'zosi halok bo‘lgan.
Isroil, AQSh, Britaniya va “Katta yettilik”ka kiruvchi boshqa davlatlar kemaga hujumda Eronni ayblagan. Isroil ushbu hujum bilan bog‘liq holda BMT Xavfsizlik kengashidan Tehronga qarshi sanksiyalar kiritishni so‘ragan. Eron o‘ziga qo‘yilayayotgan ayblovlarni rad etib, ularni asossiz deb atamoqda.
Mavzuga oid
22:15 / 21.09.2024
Eron oliy rahnamosi 40 nafar chet el fuqarosini afv etdi
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
11:10 / 17.09.2024
Toshkent va Xorazmda O‘zbekiston-Eron biznes-forumlari bo‘lib o‘tadi
22:54 / 16.09.2024