Qoʻshimcha funksionallar
-
Tungi ko‘rinish
«Bayden Afg‘onistondagi vaziyat uchun amerikaliklardan kechirim so‘rashi kerak» - Donald Tramp
Donald Tramp Afg‘onistondan fuqarolarni qutqarishdan avval harbiylarni olib chiqqani hamda «Tolibon» qo‘liga 85 mlrd dollar qiymatidagi qurollar tushib qolishiga sababchi bo‘lgani uchun Jo Baydenni keskin tanqid qildi.
Foto: Reuters
AQSh sobiq prezidenti Donald Trampning fikricha, Afg‘onistondagi vaziyat tufayli amaldagi rahbar Jo Bayden Amerika xalqi oldida kechirim so‘rashi kerak.
«Afg‘onistondan fuqarolarni qutqarishdan avval harbiylarni olib chiqqani hamda «Tolibon» qo‘liga 85 mlrd dollar qiymatidagi qurollar tushib qolishiga sababchi bo‘lgani uchun Jo Bayden Amerika xalqi oldida kechirim so‘rashi kerak», — deb bayonot berdi Tramp.
Trampning ta'kidlashicha, uning boshqaruvida amerikalik qo‘shinlarni olib chiqish falokatga aylanmagan bo‘lardi.
Avvalroq, Tramp Fox News telekanalida Bayden boshchiligidagi Qo‘shma Shtatlar qo‘shinlarining Afg‘onistondan chiqib ketishi «AQSh uchun eng katta xo‘rlik» ekanini aytgandi.
Ma'lumot uchun, «Tolibon» 15 avgust kuni Kobulga jangsiz kirgan va bir necha soat ichida to‘liq nazoratni o‘rnatgan. Afg‘oniston prezidenti Ashraf G‘ani qon to‘kilishining oldini olish uchun mamlakatni tark etgan hamda konstitutsiyaga ko‘ra Amrulla Solih rahbar vazifasini bajaruvchiga aylangan. Ayni paytda ko‘plab G‘arb davlatlari o‘z fuqarolari va elchixona xodimlarini Afg‘onistondan evakuatsiya qilmoqda.
AQShning Afg‘onistondan ketishi
Mavzuga oid
20:48
Tramp va Rossiya: «sevgi tariximi» yo siyosiy o‘yin?
17:49
Tramp bosh prokurorlik uchun nomzod tanladi - u giyohvand moddalar iste’mol qilishda va voyaga yetmaganlar bilan aloqada ayblangan kongressmen
12:05
Tramp jamoasini shakllantirmoqda. So‘nggi tayinlovlardan uning ikkinchi muddati qanday bo‘lishini bilish mumkinmi?
07:30