Farg‘ona davlat universiteti faxriy professori, O‘zbekiston Qahramoni Lola Murodova ham saylovda ovoz berdi

Ayni ushbu qizg‘in jarayon hozirda Oltiariq tumani, Qapchug‘ay mahallasi hududidagi 730-sonli saylov uchastkasida ham bo‘lib o‘tmoqda.

Saylov daqiqalari yaqinlashar ekan, mahalla nuroniylari birin-ketin uchastkaga kela boshladilar. Quvonarlisi, ularning orasida Oltiariq tumanidagi yirik fermer xo‘jalik rahbari, O‘zbekiston Qahramoni, Farg‘ona davlat universiteti faxriy professori Lola Murodova ham bor.

 “Lola opa niyati pok, maqsadi ulug‘, fidoyi ayoldir. Uning saylovga birinchilardan bo‘lib kirib kelishi barchamizni to‘lqinlantirib yubordi”, deydi universitet rektori Bahodirjon Shermuhammadov.

Paxtachilikda necha yildan beri ibrat bo‘lib kelayotgan, o‘zining fidokorona mehnati bilan tuman qishloq xo‘jaligini mamlakatga tanitayotgan Lola Murodova birinchilardan bo‘lib ovoz berib, fuqarolik burchini bajarishda ham yoshlarga, mahalladoshlarga o‘rnak ko‘rsatdi.

Farg‘ona davlat universiteti axborot xizmati Ⓣ