Navoiyda portlovchi moddalar savdosi bilan shug‘ullangan konchilar uzoq muddatga qamaldi
Jinoyat ishlari bo‘yicha Xatirchi tuman sudida portlovchi moddalarga qonunga xilof ravishda egalik qilgan shaxslarga nisbatan jinoyat ishi ko‘rib chiqildi. Bu haqda Oliy sud xabar bermoqda.
Ma'lum qilinishicha, “Navoiy kon-metallurgiya kombinati” Janubiy kon boshqarmasiga qarashli Zarmitan konida lahmlarni portlatish vazifasida ishlagan 2 nafar shaxs portlatuvchi moddalarni konda ishlatmasdan, yashirib kelishgan. Ular Samarqand viloyati Qo‘shrabot tumanidagi MChJga tegishli oshxonada faoliyat yurituvchi 2 nafar fuqaro bilan o‘zaro til biriktirib, portlatuvchi moddalar savdosi bilan shug‘ullangan. Ushbu 4 nafar fuqaro Navoiy viloyati DXX tezkor guruhi tomonidan ashyoviy dalillar bilan qo‘lga olingan.
Sud hukmiga ko‘ra, Jinoyat kodeksining tegishli moddalari bilan sudlanuvchilarning 1 nafariga 11 yil, qolgan sheriklariga esa 10 yil hamda 10 yil 6 oy muddatga ozodlikdan mahrum qilish jazosi tayinlangan.
Oldinroq Navoiyda o‘zaro janjallashgan ikki qishloq «tillachilari» profilaktika inspektorining mashinasini yaroqsiz holga keltirishgandi.
Mavzuga oid
09:52 / 11.09.2024
Ayol kishining suratlarini internetga qo‘yib intim xizmatlar taklif qilgan shaxs ushlandi
15:13 / 09.09.2024
Navoiyda ikki o‘quvchining umriga zomin bo‘lgan haydovchi 5 yilga qamaldi
16:47 / 07.08.2024
Navoiyda aliment to‘lashdan qochib yurgan ota choyxonadan topildi
15:47 / 23.07.2024