Turkmanistonliklarga «Do‘zax darvozasi»ga yaqin borish taqiqlandi
Izoh berilishicha, mazkur taqiq zaharlanish, kuyish va tuproq ko‘chishiga olib kelishi mumkin bo‘lgan gaz otilishi sababli joriy etildi.
Turkmanistonda mahalliy aholiga maxsus ruxsatnomasiz Toshovuz viloyatida joylashgan xalq orasida «Do‘zax darvozasi» deb nom olgan Darvoza gaz krateriga yaqin borish taqiqlandi. Bu haqda «Xroniki Turkmenistana» xabar bermoqda.
Qayd etilishicha, ilgari Darvoza qishlog‘i aholisi mehmonlarni krater yoniga olib borgan, qishda esa cho‘ponlar suruvlarini uning yaqiniga joylashtirgan.
Endilikda krater yo‘liga politsiya postlari o‘rnatildi va aholiga unga yaqin borish taqiqlandi. Izoh berilishicha, mazkur taqiq zaharlanish, kuyish va tuproq ko‘chishiga olib kelishi mumkin bo‘lgan gaz otilishi sababli joriy etildi.
Shu bilan birga, turistlarga ushbu taqiq taalluqli emas. Ular guruh bo‘lib va «Turkmensiyahat» korporatsiyasi ruxsatnomasi bilan kraterni tomosha qilishlari mumkin.
Darvoza krateri 1971 yilda yerosti gazi to‘plangan joyda paydo bo‘lgan. Tashqariga chiqayotgan gaz odamlarni zaharlamasligi uchun kraterni yondirishga qaror qilingan. Olov bir necha kunda o‘chishi taxmin qilingan, ammo 50 yildan buyon yonmoqda.
Mavzuga oid
16:14 / 03.09.2024
“Jahannam darvozasi”. Turkmanistondagi eng diqqatga sazovor joylardan biri bo‘lgan gaz krateri haqida nimalar ma’lum?
17:24 / 15.08.2024
Turkmaniston O‘zbekistondan ba’zi fuqarolarini deportatsiya qilishni so‘radi – OAV
16:03 / 15.08.2024
Turkmanistonda SIM-karta sotish to‘xtatildi. Ular tugab qolgani aytilmoqda
20:55 / 01.08.2024