Yevropalik siyosatchilar Zelenskiy va Ukraina xalqi nomzodini Nobel mukofoti uchun ilgari surmoqchi
Arizalarni qabul qilishning oxirgi muddati 31 yanvarda tugagandi. Siyosatchilar nomzodni ilgari surish jarayonini 31 martga qadar uzaytirishni so‘ramoqda.
Yevropalik amaldagi va sobiq siyosatchilar Ukraina prezidenti Vladimir Zelenskiy va Ukraina xalqi nomzodini tinchlik bo‘yicha Nobel mukofoti uchun ilgari surmoqchi. Bunday murojaat 11 mart kuni kelib tushgan, ammo bu haqda faqat bugungi kunga kelib ma’lum qilingan.
Murojaat mualliflari «bemisl tarixiy voqealarni inobatga olgan holda» Nobel qo‘mitasiga «Zelenskiy va Ukraina xalqi tinchlik bo‘yicha Nobel mukofotiga nomzod sifatida ko‘rsatilishiga imkon berish uchun» mukofot uchun nomzodni ilgari surish jarayonini 31 martga qadar uzaytirishni taklif etgan. Hozirda mukofot uchun arizalar qabul qilish to‘xtatilgan.
«Biz Ukraina xalqiga dunyo ular tomonida ekanini ko‘rsatishning ayni vaqti ekaniga ishonamiz», — deyilgan murojaatda.
Murojaatni 36 nafar siyosatchi imzolagan, ularning aksari Niderlandiyadan, masalan, sobiq mudofaa vaziri Ank Biyleveld va sobiq tashqi ishlar vaziri Ben Bot. Shuningdek, Yevroparlamentning amaldagi deputatlari ham Zelenskiy nomzodini mukofot uchun ilgari surish tashabbusini qo‘llab-quvvatlashgan.
Mavzuga oid
20:45 / 21.09.2024
Zelenskiy Rossiya bilan muzokara uchun «uchta band» tayyorlayotganini ma’lum qildi
17:47 / 21.09.2024
Ukrainadagi urushning hozirgi pallasi: ekspertlar sharhi
16:30 / 21.09.2024
Ukrainada 300 dan ortiq aholi punkti nomi o‘zgartiriladi
12:10 / 21.09.2024