Qoʻshimcha funksionallar
-
Tungi ko‘rinish
Toshkentda sug‘urta polislari pulini o‘zlashtirgan sobiq direktor va uning sherigi aniqlandi
Toshkent shahrining Uchtepa tumanida sug‘urta polislari pulini o‘zlashtirgan sobiq direktor va uning sherigi aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Foto: Pixabay
Bosh prokuratura huzuridagi departamentning Uchtepa tuman bo‘limi tomonidan tadbirkorlik sub’yektlarini himoya qilish yuzasidan tergovga qadar tekshiruv o‘tkazilgan.
Unda, “H.S.” AJ Toshkent viloyati filialining sobiq direktori M.O. va sug‘urta agenti S.I. tomonidan qat’iy hisobda turuvchi umumiy qiymati 725,3 mln so‘mlik 7 775 dona sug‘urta polislarini mijozlarga sotib, savdodan tushgan naqd pul mablag‘larni talon-toroj qilgani aniqlangan.
Shuningdek, mazkur sug‘urta polislaridan 14 tasi yo‘l harakati hodisasi sodir etilganidan keyin rasmiylashtirilib, fuqarolarga jami 315,4 mln so‘m sug‘urta qoplamasi noqonuniy to‘lab berilgani natijasida AJ manfaatlariga jami 1 040,7 mln so‘m zarar yetkazilgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilgan.
Xabarda aytilishicha, hozirda tergov harakatlari o‘tkazilmoqda.
Mavzuga oid
22:45 / 10.11.2024
Toshkentda «zakladchik»ni kaltaklagan uch nafar shaxs qo‘lga olindi
10:47 / 08.11.2024
Toshkentda ayrim ko‘chalar yopilishi haqidagi xabarlar rad etildi
16:17 / 07.11.2024
“Toshkent shahri atrofidagi issiqxonalarning 60 foizi ko‘mir, rezina shinalar yoqyapti” – Ekologik partiya
20:44 / 06.11.2024