Ta’lim muassasalarida 37,7 mlrd so‘mlik moliyaviy qonunbuzilishi holatlari aniqlandi - XTV

2022 yil birinchi yarim yilligi davomida aniqlangan ushbu holatlar bo‘yicha huquqiy baho berish va qonuniy chora ko‘rish maqsadida tarkibida jinoyat alomatlari bo‘lgan 37,6 mlrd so‘mlik o‘rganish materiallari huquq-tartibot organlariga taqdim etildi.

Moliyaviy qonunbuzilishlarga yo‘l qo‘yilgani uchun tizimdagi 125 nafar mas’ul shaxsga nisbatan qonunchilikda belgilangan tartibda intizomiy jazo choralari ko‘rilgan. 

Qayd etilishicha, shundan 89 nafar mas’ul xodimga nisbatan hayfsan e’lon qilingan, 16 nafar mas’ul xodimga nisbatan jarima qo‘llanilgan hamda 20 nafar mas’ul xodim lavozimidan ozod etilgan.

Vazirlik ichki audit xizmatining joriy yil birinchi yarim yillik davridagi faoliyati natijasida 270,4 mlrd so‘mlik moliyaviy xato va kamchiliklar oldi olinishiga erishildi.