AQSh Ukrainani minalardan tozalash uchun 90 mln dollar ajratmoqda
Kiyevning hisob-kitoblariga ko‘ra, mamlakatning 160 ming kvadrat kilometr maydonida portlamagan portlovchi qurilmalar bo‘lishi mumkin. AQSh 100 ta minadan tozalash guruhi ishini va ukrainalik mutaxassislarni tayyorlashni moliyalashtiradi.
AQSh Ukrainaga o‘z hududini tozalashda yordam berish uchun 89 million dollar yuboradi, bu haqda Davlat departamenti 9 avgust, seshanba kuni xabar berdi. «Rossiyaning Ukrainaga noqonuniy va hech qanday sababsiz bostirib kirishi mamlakatning keng hududlarini minalar, portlamagan o‘q-dorilar va qo‘lbola portlovchi qurilmalar bilan to‘ldirdi, - deyiladi AQSh tashqi siyosat idorasi bayonotida. - Bu xavfli buyumlar begunoh Ukraina fuqarolarini o‘ldirish va mayib qilishda davom etmoqda. Ukraina hukumati mamlakatning 160 ming kvadrat kilometr maydoni portlovchi qurilmalar bo‘lishi mumkinligini taxmin qilgan».
Qayd etilishicha, Amerika mablag‘i Ukrainada 100 ga yaqin minalardan tozalash guruhlarini tashkil etish hamda portlamagan minalar va snaryadlarni utilizatsiya qilish bo‘yicha mutaxassislarni tayyorlash va jihozlash bo‘yicha keng ko‘lamli loyihani amalga oshirish imkonini beradi.
Vashington ma’lumotlariga ko‘ra, 1993 yildan beri AQSh dunyoning 100 dan ortiq mamlakatlarida minalardan tozalash va ortiqcha o‘qotar qurollar, yengil qurollar hamda o‘q-dorilarni olish va yo‘q qilish uchun 4,2 milliard dollardan ortiq sarmoya kiritdi.
Mavzuga oid
20:20 / 14.10.2024
AQShdagi yadroviy obektlar va aviabazalar ustidan sirli dronlar uchib o‘tishni boshladi
20:14 / 14.10.2024
Rossiyada Tojikiston va O‘zbekistondan kelgan migrantlar Ukrainaga qarshi urushga borishga majburlanayotgani aytildi
16:10 / 14.10.2024
AQSh RF va XXRni ASEAN davlatlari bayonotini bloklashda aybladi
13:50 / 14.10.2024