To‘raqo‘rg‘on IES ishi favqulodda to‘xtatildi. Hududlarda elektr ta’minotida uzilishlar kuzatilishi mumkin
Namangan viloyatidagi «O‘ztransgaz» aksiyadorlik jamiyatiga qarashli gaz quvurining magistral liniyasiga shikast yetkazildi.
Energetika vazirligining xabar berishicha, bu noma’lum shaxslar tegishli ruxsatnomasiz yer ishlarini olib borgani sababli ro‘y berdi.
Qayd etilishicha, bu quvur To‘raqo‘rg‘on IESni yonilg‘i bilan ta’minlagan. Hodisa To‘raqo‘rg‘on elektr stansiyasining majburiy favqulodda to‘xtatilishiga olib keldi.
Bildirilishicha, hozirgi vaqtda nosozliklarni bartaraf etish, shuningdek, elektr ta’minoti uchun zaxira quvvatlarini ulash bo‘yicha barcha choralar ko‘rilmoqda.
Boshqa elektr stansiyalarida zaxira bloklarini ulash bo‘yicha ishlarni bajarish uchun ma’lum vaqt zarurligini inobatga olgan holda, hududlarda elektr ta’minotida alohida uzilishlar kuzatilishi mumkin.
Mazkur holat yuzasidan surishtiruv harakatlari olib borilmoqda.
Mavzuga oid
18:08 / 20.09.2024
Amerikada erkak 18 yil birovning “svet”iga pul to‘lab kelgani aniqlandi
15:00 / 07.09.2024
Ikki hududda elektrdan noqonuniy foydalanganlar 400 mln so‘mdan ziyod zarar yetkazdi
08:35 / 04.09.2024
Tadbirkorlarning ortiqcha iste’mol qilingan elektr va gaz uchun qo‘shimcha to‘lovi 10 baravarga kamaytiriladi
16:01 / 31.08.2024