O‘zbekiston elektr stansiyalarini texnik ekspluatatsiya qilish qoidalari tasdiqlandi 

Qoidalarga muvofiq, qurilishi tugallangan IES, GES, QES, ShES va boshqa elektr ishlab chiqaruvchi stansiyalar ekspluatatsiyaga qabul qilinishi kerak.

Ekspluatatsiyadan oldin quyidagilar amalga oshiriladi: uskunalar individual sinovlari, asosiy va yordamchi uskunalar sinov tarzida ishga tushirilishi bilan tugaydigan energobloklar uchun alohida tuzilmalar funksional sinovlari; uskunalar kompleks sinab ko‘rilishi.

Energetika obektlarida ishlashga maxsus ma’lumotga ega va tayyorgarlikdan o‘tgan shaxslarga ruxsat beriladi. Tezkor va tezkor-ta’mirlash xodimlari kamida 3 oyda bir marta avariyaga qarshi nazorat mashg‘ulotlarini o‘tishlari shart.

Qoidalarda energetika obektlari ekspluatatsiyasini tashkil etish ustidan texnik va texnologik nazorat qilish, texnik xizmat ko‘rsatish va modernizatsiya qilish tartibi belgilangan.