Andijonda qarama-qarshi yo‘nalishga o‘tib ketgan Cobalt yonib ketdi
Shahrixon tumanida Spark va Cobalt bilan to‘qnashgan Cobalt yonib ketdi.
Andijon viloyati Shahrixon tumanida 23 oktabr kuni uchta transport vositasi ishtirokida yo‘l-transport hodisasi sodir bo‘ldi.
Favqulodda vaziyatlar vazirligi xabar berishicha, 23 oktyabr kuni soat 17:30 larda Andijon viloyati Shahrixon tumani «Qo‘rg‘oncha» MFY hududidan o‘tgan, A-373 Toshkent—O‘sh xalqaro avtomobil yo‘lining 402-kilometrida Spark va Cobalt rusumli avtomobillar bir-biri bilan to‘qnashishi natijasida yo‘l-transport hodisasi sodir bo‘lgan.
Oqibatda Cobalt rusumli avtomobil haydovchisi boshqaruvni yo‘qotib, yo‘l o‘rtasidagi beton to‘siqqa urilgan va yo‘lning qarama-qarshi tomoniga o‘tib ketib, boshqa bir Cobalt rusumli avtomobilga borib urilgan.
Natijada kelib urilgan Cobalt’ning dvigatel qismida qisqa tutashuv sodir bo‘lib, avtomashinada yong‘in kelib chiqqan.
Qarama-qarshi yo‘nalishga o‘tib ketgan Cobalt yo‘lovchisi tan jarohatlari bilan tuman ShTTYoBga yuborilgan.
Hodisa oqibatida halok bo‘lganlar to‘g‘risida ma’lumot kelib tushmagan.
Mavzuga oid
14:07 / 21.09.2024
Romitan hokimi yordamchisi sodir etgan YTHda maktab o‘quvchisi halok bo‘ldi
15:26 / 20.09.2024
Skuter va yuk mashinalariga doir taqiqlar, “radarlar” hamda YHXXning bekor bo‘layotgan vakolati – Senat yangi o‘zgarishlarni ma’qulladi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024