Noto‘g‘ri “ukol” qilib ikki bolaning oyog‘i ishlamay qolishiga sababchi bo‘lgan hamshiralar sud qilindi
Hodisa shu yili Farg‘ona viloyati Qo‘qon shahar shoshilinch tibbiy yordam shifoxonasida ro‘y bergan. Noto‘g‘ri inʼeksiya qilingani ortidan voyaga yetmagan ikki nafar bolaning oyoqlari ishlamay qolgan.
Qayd etilishicha, joriy yilning 18 aprel kuni hamshira shifokor tomonidan tavsiya etilgan «Donat» nomli antibiotikni «Lidokain»da eritib, voyaga yetmagan bemorning yonbosh sohasiga noto‘g‘ri inʼeksiya qilishi oqibatida uning oyog‘ida qattiq og‘riq kuzatilib, ishlamay qolgan.
3 iyul kuni esa boshqa bir hamshira shifokor tomonidan tavsiya qilingan «No-Shpa» va «Dimedrol» dorilarini voyaga yetmagan Adhamovning o‘ng yonbosh sohasiga noto‘g‘ri inʼeksiya qilgan. Natijada uning ham bir oyog‘i ishlamay qolgan.
Sud tibbiyot ekspertizasi ushbu salbiy holatlar texnik jihatdan noto‘g‘ri qilingan inʼeksiya oqibatida sodir bo‘lganini tasdiqlagan.
Mazkur holat bo‘yicha Qo‘qon shahar prokuraturasi tomonidan Jinoyat kodeksining 116-moddasi (Kasb yuzasidan o‘z vazifalarini lozim darajada bajarmaslik) 1-qismi bilan ikki nafar hamshiraga nisbatan jinoyat ishi qo‘zg‘atilib, tergov harakatlari olib borilgan.
Jinoyat ishlari bo‘yicha Qo‘qon shahar sudi sudyasi Mashrabjon Ulug‘bekovning bildirishicha, jabrlanuvchilarga yetkazilgan moddiy zararlar qoplangani va tomonlar yarashgani inobatga olinib, jinoyat ishlari tugatilgan.
Mavzuga oid
10:16 / 16.09.2024
Farg‘ona pedagogika mahorat markazida xonalardan birida yashirin kamera aniqlandi. Uni o‘rnatgan o‘qituvchi uzr so‘radi
00:14 / 12.09.2024
Farg‘onada sog‘ligi yomonlashgan haydovchi boshqaruvni yo‘qotib, YTH sodir etdi va halok bo‘ldi
09:05 / 16.08.2024
Log‘ondan Parijga yo‘l - futbolchi bo‘lishni orzu qilib, boksda Olimpiada chempioni bo‘lgan Lazizbek Mullojonov uyidan reportaj
12:11 / 08.08.2024