Rajab Toyyib Erdo‘g‘an O‘zbekistonga tashrif buyurdi
Turkiya prezidenti Rajab Toyyib Erdo‘g‘an Turkiy davlatlar tashkilotiga a’zo mamlakatlar rahbarlari sammitida ishtirok etish uchun Samarqandga keldi.
O‘zbekiston prezidenti matbuot xizmati xabariga ko‘ra, oliy martabali mehmonni aeroportda mamlakat bosh vaziri Abdulla Aripov kutib oldi.
Bugun O‘zbekiston prezidenti Turkiya yetakchisi bilan uchrashuv o‘tkazishi rejalashtirilgan.
10-11 noyabr kunlari Samarqand shahrida Turkiy davlatlar tashkilotiga a’zo mamlakatlar rahbarlari yig‘ilishi bo‘lib o‘tadi.
O‘zbekiston prezidenti Shavkat Mirziyoyev raisligida o‘tadigan tadbirda Turkmaniston Milliy kengashi Xalq maslahati raisi Gurbanguli Berdimuhamedov, Turkiya prezidenti Rajab Toyyib Erdo‘g‘an, Ozarboyjon prezidenti Ilhom Aliyev, Qozog‘iston prezidenti Qosim-Jo‘mart To‘qayev, Qirg‘iziston prezidenti Sadir Japarov va Vengriya bosh vaziri Viktor Orban ishtirok etadi.
Sammit kun tartibidan iqtisodiyot, savdo, investitsiya, transport, innovatsiya, ekologiya, turizm, madaniy-gumanitar va boshqa sohalarda o‘zaro manfaatli va ko‘p qirrali hamkorlikni yanada rivojlantirish, tashkilot faoliyatini takomillashtirish masalalari o‘rin olgan.
Mavzuga oid
00:06 / 12.09.2024
Erdo‘g‘an: Turkiya hech qachon Qrim anneksiyasini tan olmaydi
09:05 / 03.08.2024
Erdo‘g‘an: 2024 yilgi Olimpiada ochilish marosimi g‘azabga sabab bo‘ldi
23:21 / 29.07.2024
“Ritorikalar bemaqsad bo‘lmaydi” - Erdo‘g‘anning Isroilga tahdidi qanchalik jiddiy?
07:32 / 29.07.2024