Qoʻshimcha funksionallar
-
Tungi ko‘rinish
Alisher Qodirov yana energetika sohasini xususiylashtirish haqida gapirdi
Qish kunlari o‘zbekistonliklar joylarda gaz va elektr energiyasi muntazam uzilishlari sodir bo‘layotgani uchun rasmiylarni tez-tez tanqid qiladi. Bu, ayniqsa, hozir mamlakat hududlarida yaqqol sezilmoqda. Oliy Majlis Qonunchilik palatasi spikeri o‘rinbosari Alisher Qodirov energetika sohasini xususiylashtirish ko‘plab muammolarni hal qiladi, deb hisoblaydi. Deputat Nyu-Yorkning tungi suratini ham chop etdi.
Foto: Telegram / Alisher Qodirov
«100 so‘mga ishlab chiqarib 101 so‘mga sotasan, qanoat bilan 1 so‘m daromadga rozi bo‘lasan. Shu 1 so‘m ham 1 milliardga aylanadi. 990 millionini bozorni ushlab turish uchun tarmoqlarni ta’mirlashga sarf qilasan», – deb yozdi u o‘zining Telegram-kanalida.
Uning fikricha, qimmat ishlab chiqarish va arzonroq sotish foydasiz.
«100 so‘mga ishlab chiqarib 25 so‘mga sotsang, 75 so‘mini qarzdan qoplab, tarmoqni 3-4 yilda bir marta budjetdan orttira oladigan pulga ta’mirlasang… qish sovuq, qor va deputatlar, ularga bog‘liq bo‘lmasa ham (gaz va elektr energiyasidagi uzilishlar - tahr.), odamlarga qora ko‘rinaveradi», – deya ta’kidlab o‘tdi u.
17 noyabr kuni ham Alisher Qodirov energetika sohasini xususiylashtirish haqida yozgan. “Energiya sotish kompaniyalari o‘zi daromad ko‘rmagunicha sohada o‘zgarish bo‘lmaydi”, – degan u.
Avvalroq moliya vaziri Timur Ishmetov tariflar oshirilmagani natijasida elektr energiyasi va gaz uchun dotatsiyalar oshib borayotganini ma’lum qilgandi.
Mavzuga oid
18:21
Alisher Qodirov LGBT targ‘ibotini taqiqlovchi qonun ishlab chiqilishini ma’lum qildi
15:34 / 20.10.2024
Rossiyalik deputat O‘zbekiston fuqarolariga viza rejimini joriy etishga chaqirdi. Jamoatchilik bunga javob qaytardi
16:23 / 29.08.2024
“Bolalar 7-sinfdan keyin qobiliyatidan kelib chiqib o‘qitilishi kerak” – Alisher Qodirov
10:59 / 12.07.2024