Surxondaryoda sodir bo‘lgan YTHda ikki kishi halok bo‘ldi
Yana to‘rt kishi og‘ir tan jarohatlari olgan va shifoxonaga yotqizilgan.
Hodisa 2022 yil 19 dekabr kuni soat 7:30 larda Termiz tumanida sodir bo‘lgan. Bu haqda viloyat IIB YHXB axborot xizmati xabar bermoqda.
Ma’lum qilinishicha, Termiz tumanida M-39 va M-41 yo‘llari kesishgan chorrahada Termiz-Denov yo‘nalishida harakatlanayotgan Nexia-3 va Nexia-1 mashinalari o‘zaro to‘qnashgan.
Oqibatda Nexia-1 mashinasi haydovchisi va yo‘lovchisi og‘ir tan jarohatlari olib voqea joyida vafot etgan. Nexia-1’ning yana uch nafar yo‘lovchisi hamda Nexia-3 mashinasi haydovchisi shifoxonaga yotqizilgan.
Dastlabki surishtiruvda aniqlanishicha, YTH sodir bo‘lishidan avvalroq elektr tarmoqlaridagi uzilish tufayli chorrahadagi svetofor o‘chib qolgan.
Shu paytda ikkinchi darajali yo‘ldan harakatlanayotgan Nexia-1 yo‘l belgilariga e’tibor bermagan va asosiy yo‘ldan kelayotgan Nexia-3 bilan to‘qnashgan.
Mavzuga oid
14:07 / 21.09.2024
Romitan hokimi yordamchisi sodir etgan YTHda maktab o‘quvchisi halok bo‘ldi
15:26 / 20.09.2024
Skuter va yuk mashinalariga doir taqiqlar, “radarlar” hamda YHXXning bekor bo‘layotgan vakolati – Senat yangi o‘zgarishlarni ma’qulladi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024