ISW: Baxmutning rus qo‘shinlari tomonidan o‘rab olinishi dargumon
Rus qo‘shinlarining Soledardagi muvaffaqiyatlari, rus manbalarining bayonotlariga zid ravishda, Baxmutning yaqinda qurshovga olinishini ko‘rsatmaydi, deb yozadi Amerika urushni o‘rganish instituti (ISW).
Mutaxassislarning ta’kidlashicha, Baxmutdagi Ukraina quruqlik liniyalarini samarali ravishda kesish uchun rus kuchlari hech bo‘lmaganda Seversk-Baxmut magistralini nazorat qilishlari va Slavyansk-Baxmut magistraliga yetib borishlari kerak.
«So‘nggi paytlarda ushbu sektorda bir necha yuz metr oldinga siljish tezligi kuniga maksimal bir necha yuz metrni tashkil etganini hisobga olsak, Rossiya qo‘shinlari ushbu tayanch punktlariga yurishni muvofiqlashtirishi va Baxmutni o‘rab olishga harakat qilishlari ehtimoldan uzoq», - deyiladi institut hisobotida.
Bundan oldin Oq uy vakiliga tayanib, Reuters agentligi Rossiya prezidenti Vladimir Putinga yaqin bo‘lgan "Vagner" XHK asoschisi Yevgeniy Prigojin Baxmut shahri yaqinidagi tuz va gips konlarini o‘z nazoratiga olmoqchi ekani haqida xabar bergandi.
Vashingtonda «Baxmutga bo‘lgan vasvasa pul bilan bog‘liq», deb hisoblashga asos bor, dedi manba. Baxmut yaqinida, xususan, Yevropadagi eng yirik tuz koni - Artemovskoye joylashgan.
Mavzuga oid
22:37 / 07.10.2024
Slovakiya bosh vaziri Bryusselga «raketa zarbasi berishga» chaqirdi
12:20 / 07.10.2024
Rossiya bir sutka ichida Ukrainani 5000 marta o‘qqa tutdi
11:00 / 07.10.2024
Fitso Ukrainaning NATOga a’zo bo‘lishiga qarshi chiqishini bildirdi
10:40 / 07.10.2024