Pop tumanida yuk mashinalari o‘zaro to‘qnashib yonib ketdi. Uch kishi halok bo‘lgan
Ketma-ket harakatlangan uchta yuk avtomobili o‘zaro to‘qnashishi oqibatida yirik yong‘in kelib chiqqan. Haydovchilarning barchasi halok bo‘lgan.
Favqulodda vaziyatlar vazirligi Namangan viloyati Pop tumanidagi yo‘lda sodir bo‘lgan yong‘in yuzasidan ma’lumot berdi.
«15 yanvar kuni soat 16:09 da Namangan viloyati Pop tumani «Qo‘shminor» MFY hududida ketma-ket harakatlanib ketayotgan 3 ta MAN rusumli yuk avtomobillari ishtirokida yo‘l-transport hodisasi sodir bo‘lgan. Natijada yuk avtomobillarida yong‘in kelib chiqqan.
Birinchi yuk avtomobili yonilg‘i tashishga mo‘ljallangan bo‘lib, mazut, ikkinchi avtomobilga ko‘mir, uchinchi avtomobilga bo‘yoq mahsulotlari ortilgan bo‘lgan.
Shunga ko‘ra 4 ta yong‘in-qutqaruv ekipaji soat 16:30 da voqea joyiga yetib borib, yong‘in soat 16:33 da qurshab olingan va soat 17:20 da bartaraf etilgan.
Hodisa oqibatida yuk avtomobillarida bo‘lgan 3 nafar fuqaro halok bo‘lgan», deyiladi vazirlik xabarida.
Voqea joyiga viloyat va tuman FVB rahbarlari, tegishli tashkilotlar xodimlari yetib borgan.
Hozirda IIB tezkor tergov guruhi tomonidan surishtiruv ishlari olib borilmoqda.
Mavzuga oid
14:07
Romitan hokimi yordamchisi sodir etgan YTHda maktab o‘quvchisi halok bo‘ldi
15:26 / 20.09.2024
Skuter va yuk mashinalariga doir taqiqlar, “radarlar” hamda YHXXning bekor bo‘layotgan vakolati – Senat yangi o‘zgarishlarni ma’qulladi
14:28 / 20.09.2024
Sergelida BYD urib yuborgan o‘quvchi qiz vafot etdi
12:20 / 20.09.2024