Slovakiya: Kiyevga MiG qiruvchilarini topshirish bo‘yicha qaror qabul qilish vaqti keldi
Slovakiya mudofaa vaziri Yaroslav Nad Facebook’da Ukrainaga MiG qiruvchi samolyotlarini yetkazib berish bo‘yicha qaror qabul qilish vaqti kelganini yozdi.
Idora boshlig‘ining so‘zlariga ko‘ra, Polsha bu yo‘nalishda birgalikdagi harakatlarga tayyorligini bildirgan. Polsha tomonidan rasmiy tasdiq hali olinmagan.
«Menimcha, qaror qabul qilish vaqti keldi», dedi Nad. «Ukrainada odamlar o‘lmoqda, biz ularga haqiqatan ham yordam bera olamiz», deya qo‘shimcha qildi u hamda bu masalada siyosatga o‘rin bo‘lmasligi kerakligini ta’kidladi.
Bundan oldin Kiyevni birinchi navbatda AQSh, Britaniya, Fransiya va Germaniya qiruvchi samolyotlari qiziqtiradi, deya ma’lum qilgandi Ukraina tashqi ishlar vaziri Dmitriy Kuleba.
«Shu paytgacha hech bir davlat qiruvchi samolyotlar yetkazib berish majburiyatini olmagan. Ammo Buyuk Britaniya kabi ba’zi hukumatlar ukrainalik uchuvchilarni G‘arb qiruvchilariga o‘rgatishini e’lon qilgan, boshqalari esa tez orada buni amalga oshiradi», - dedi Kuleba.
Unga ko‘ra, qiruvchilar dushman raketalarini urib tushirish orqali Ukraina havo mudofaasini qo‘llab-quvvatlashi mumkin edi. Bundan tashqari, ular «qarshi hujum uchun» muhim ahamiyatga ega. «Birinchi navbatda, bizni AQSh, Buyuk Britaniya, Fransiya va Germaniya qiruvchi samolyotlari qiziqtiradi», dedi vazir hamda bu davlatlar «eng yuqori ishlab chiqarish quvvatlari va eng yirik samolyot parklariga» ega ekanligini ta’kidladi.
Mavzuga oid
11:35 / 09.09.2024
YeI demokratiyaga cheklovlar tufayli Slovakiyani mablag‘dan mahrum qilishi mumkin
23:18 / 06.09.2024
Slovakiya bosh vaziriga o‘q uzgan yozuvchi o‘zining ozod etilishini so‘ramoqda
10:56 / 14.08.2024
Slovakiyada Fitso hukumatiga qarshi namoyishlar bo‘lib o‘tdi
14:41 / 19.07.2024