Britaniya ukrainalik dengiz piyoda askarlarini tayyorlaydi
Buyuk Britaniya bosh vaziri Rishi Sunakning aytishicha, London Ukraina dengiz flotining qirg‘oq mudofaa kuchlari tarkibida dengiz piyoda askarlari korpusini tayyorlaydi.
«Biz ukrainalik dengiz piyoda askarlarini tayyorlashga kelishib oldik», — deya Sunakning so‘zlarini keltirgan Reuters.
Bundan oldin Fransiya va Buyuk Britaniya Ukrainaga qarshi hujumga tayyorgarlik ko‘rishda yordam berish niyatida ekani xabar qilingandi. Bu haqda Fransiya prezidenti Emmanuel Makron Buyuk Britaniya bosh vaziri Rishi Sunak bilan uchrashuvdan so‘ng o‘tkazilgan matbuot anjumanida ma’lum qildi.
Rishi Sunak shunday dedi: «Biz Ukraina bu urushda g‘alaba qozonishini istaymiz va biz bu borada mutlaqo birdammiz. Bizning vazifamiz Ukrainani eng kuchli holatga keltirishdir».
G‘arb davlatlari Ukrainani «qancha zarur bo‘lsa, shuncha» qo‘llab-quvvatlash niyatini bir necha bor e’lon qilgan, biroq harbiy harakatlarni tinch yo‘l bilan tugatish muhimligini ham ta’kidlagan.
Mavzuga oid
10:30 / 20.09.2024
O‘zbekiston va Britaniya bo‘lajak diplomatlarni tayyorlash sohasida hamkorlik qilishi mumkin
22:48 / 18.09.2024
Britaniyada kapalaklar kamayib ketayotgani tufayli «favqulodda holat» e’lon qilindi
13:12 / 18.09.2024
Buyuk Britaniyada qirollik fermasi uchun cho‘pon qidirilmoqda
13:20 / 16.09.2024