Toshkentda yuk poyezdi jo‘natilayotgan paytda 3 ta bo‘sh vagon izdan chiqib ketdi
Toshkent shahridagi Hamza stansiyasining birinchi yo‘lida yuk poyezdining 3 ta bo‘sh vagoni relsdan chiqib ketdi. «O‘ztemiryo‘lovchi» kompaniyasi tegishli tarkibiy bo‘linmalar voqea sabablarini o‘rganish boshlaganini bildirdi.
Ijtimoiy tarmoqlarda Toshkent shahrida poyezd vagonlari relsdan chiqib ketgani aytilgan xabar tarqaldi. «O‘ztemiryo‘lovchi» kompaniyasi axborot-tahliliy media markazi holat yuzasidan munosabat bildirdi.
Ma’lum qilinishicha, 11 mart kuni soat 11:50 atrofida Toshkent shahridagi Hamza stansiyasining birinchi yo‘lida 2101-sonli yuk poyezdi jo‘natilayotgan paytida 3 ta bo‘sh vagon izdan chiqib ketgan.
Kompaniya xabariga ko‘ra, tegishli tarkibiy bo‘linmalar tomonidan zudlik bilan holat yuzasidan kerakli chora-tadbirlar ko‘rilib, voqea sabablarini o‘rganish boshlangan.
Bosh prokuratura matbuot xizmati poyezd Qo‘qon — To‘qimachi — Aris (Qozog‘iston) yo‘nalishidagi yuk poyezdi tarkibida jami 51 ta har xil turdagi bo‘sh vagonlar bilan harakatlangan. Holat ortidan tan jarohati olgan shaxslar mavjud emas.
Voqea joyida tergov-tezkor guruhi tomonidan surishtiruv harakatlari olib borilmoqda.
Mavzuga oid
09:29 / 10.09.2024
Toshkentda 36 yoshli ayol poyezd urib ketishi oqibatida vafot etdi
17:33 / 06.08.2024
Surxondaryoda poyezd bilan to‘qnashgan Lacetti haydovchisi vafot etdi
14:14 / 02.08.2024
RFning Perm viloyatida yo‘lovchi poyezdi yuk mashinasi bilan to‘qnashdi
09:58 / 30.07.2024