Jahon | 14:47 / 24.03.2023
7022
2 daqiqa o‘qiladi
Slovakiya Ukrainaga 4 ta MiG-29 yubordi
Jami 13 ta qiruvchi samolyot va’da qilingan.
Slovakiya ukrainalik harbiylarga dastlabki to‘rtta MiG-29 qiruvchi samolyotini yubordi. Bu haqda Slovakiya mudofaa vaziri Yaroslav Nad ma’lum qildi.
Uning so‘zlariga ko‘ra, transportirovka ukrainlik uchuvchilar tomonidan amalga oshirilgan. Samolyotlar Ukraina hududiga yetib borgan.
«Qolgan samolyotlar Ukrainaga yaqin haftalar ichida yetkazib beriladi», — deya qo‘shimcha qilgan Nad va xavfsizlik yuzasidan boshqa tafsilotlarni ochiqlamasligini bildirgan. Slovakiya Ukraina qurolli kuchlariga jami 13 ta qiruvchi samolyot yetkazib berishni rejalashtirgan.
- Slovakiya hukumati Ukrainaga MiG-29 qiruvchi samolyotlari yetkazib berish bo‘yicha mart oyida qaror qabul qilib, bunday qarorga kelgan ikkinchi davlat bo‘lgandi. O‘z qiruvchi samolyotlarini Ukrainaga berishga rozi bo‘lgan birinchi mamlakat Polsha edi, bu davlat o‘z qarori haqida Slovakiyanikidan bir kun oldin e’lon qilgandi. Varshava Kiyevga to‘rtta MiG-29 samolyoti yetkazib bermoqchi.
- O‘z navbatida Slovakiya mudofaa vaziri Yaroslav Nad qiruvchilar yetkazib berilishi evaziga mamlakat 849 million dollar miqdorida tovon puli olishi, bu AQShdan zamonaviy harbiy texnikalarni ham o‘z ichiga olishini aytib o‘tgan.
Mavzuga oid
23:19 / 03.10.2024
NATO a’zolari Rossiyaga zarba berish taqiqini olib tashlashni muhokama qiladi
21:06 / 03.10.2024
Rossiya Mudofaa vazirligi Ukrainaning Vuhledar shahri egallanganini e’lon qildi
20:05 / 03.10.2024
«Faqat piyoda qochish mumkin edi» - ukrain jangchilari Vuhledardan chiqish haqida
16:56 / 02.10.2024