Tahlilchilar: Rossiya Mudofaa vazirligi Baxmutdagi muntazam qo‘shinlarni asosiy jangga tashlamayapti

Institut tahlilchilariga ko‘ra, shu tariqa Rossiya Mudofaa vazirligi muntazam qo‘shinlarni katta yo‘qotishlardan himoya qilyapti va Baxmut yakuniy qo‘lga kiritilgan taqdirda u yerdan «vagnerchilar»ni olib chiqib, g‘alabani o‘ziga bog‘lashni rejalashtirmoqda. 

ISW hisob-kitoblariga ko‘ra, Rossiya kuchlari hozir Baxmut hududining 76,5 foizini nazorat qilmoqda. Biroq, agar RF Qurolli uchlarining ba’zi shubhali bayonotlari tabiiy deb hisoblansa, bu ulush 86,1 foizga ko‘tariladi. 

Rossiya Tashqi ishlar vazirligi va «Vagner» xususiy harbiy kompaniyasi asoschisi Yevgeniy Prigojin o‘rtasidagi ommaviy bahs-munozara Kremlning tadbirkorni obro‘sizlantirish harakatlarining davomidir. Bu haqda ISW sharhida aytiladi. 

Tahlilchilarga ko‘ra, Rossiya hukumat idoralari Prigojinning jamoatchilik yoki siyosiy qo‘llab-quvvatlovga ega bo‘lish borasidagi har qanday urinishining oldini olishga harakat qilmoqda. 

Tadbirkorning o‘zi «o‘zini tashqi siyosatga ta’sir o‘tkaza oladigan davlat arbobi sifatida ko‘rsatishga» urinmoqda, shuningdek, Rossiyaning Ukrainadagi harakatlarida «Vagner guruhi» kuchlarining rolini bo‘rttirib ko‘rsatmoqda, deydi ISW ekspertlari. 

Prigojin 7 aprel kuni TIVning Afrikadagi faoliyatini tanqid qilib, XHK Tashqi ishlar vazirligi va mintaqadagi boshqa davlat idoralari bilan hamkorlik qilishda «katta qiyinchiliklarga» duch kelayotganini aytdi.