Qoʻshimcha funksionallar
-
Tungi ko‘rinish
Toshkent davlat iqtisodiyot universitetida tartibsiz navbatlar yuzaga keldi. Oliygoh izoh berdi
Ma’lum bo‘lishicha, Toshkent davlat iqtisodiyot universitetidagi tartibsiz navbatlar sirtqi fakultet talabalarining imtihon topshirish jarayonida yuzaga kelgan. Navbatlar muddatidan oldin imtihon topshirmoqchi bo‘lgan talabalar va qayta imtihon topshiruvchilar sabab paydo bo‘lgan.
Videodan kadr
5 mayda ijtimoiy tarmoqlarda TDIU talabalari imtihon topshirish jarayonida tartibsiz navbatda turgani aks etgan videolar tarqalgandi.
Holat yuzasidan universitet ma’muriyati rasmiy munosabat bildirdi. Unda aytilishicha, TDIU sirtqi fakultet talabalarining imtihon topshirishlari uchun qulay vaqt sifatida 3 kun — 5, 6 va 7 may kunlari soat 07:00dan 00:00gacha imtihonlar belgilangan bo‘lgan.
“Ammo shunga qaramay, talabalar viloyatlariga vaqtliroq, aniqrog‘i, bugunning o‘zida qaytib ketish maqsadida imtihonga kirishda tartibsizlikka yo‘l qo‘yishgan. Ular orasida imtihon topshirib, o‘ta olmagach, qayta topshirishni istaganlar ham bo‘lganligi tufayli navbat kutayotganlar soni ortib ketgan”, – deyiladi munosabatda.
Ma’lum bo‘lishicha, tartibsizlik bartaraf etilgan, vaziyat barqarorlashgan. Oliygohning sirtqi fakultetida imtihonlar 7 maygacha davom etadi.
Mavzuga oid
17:26 / 24.11.2023
Aksilkorrupsiya agentligi Hajga navbatlarni ochiqlashni taklif qildi. Bajarilmayotgan bu talab hukumat qarorida 6 yildan buyon mavjud
15:51 / 07.11.2023
TDIUda 8-9 noyabr kungi darslar bekor qilindi
18:48 / 01.11.2023
Toshkent davlat iqtisodiyot universiteti Qoraqalpog‘iston Respublikasi va Xorazm viloyatida dolzarb mavzularda konferensiya va seminar o‘tkazdi
10:50 / 27.08.2023