Buxoroda beshta tarixiy yodgorlikka qariyb 300 mlrd so‘m zarar yetkazildi
Tarixiy obidalarda noqonuniy buzish va qazish ishlari o‘tkazilgan.
Bosh prokuratura tomonidan o‘tkazilgan tekshiruvlar natijasida Buxoro viloyatining Romitan tumanida joylashgan 5 ta arxeologiya yodgorlikka turli sabablarga ko‘ra 291,4 mlrd so‘mlik jiddiy shikast yetkazilgani aniqlandi.
Xususan, noqonuniy qazish va buzish ishlari olib borilgani sababli, o‘rta asrlarga oid «Tepa 9» arxeologiya merosi obektiga 269,6 mlrd so‘mlik, «Qalai Mullabektepa» yodgorligiga 19,7 mlrd so‘mlik, «Amirtepa» yodgorligiga 1,1 mlrd so‘mlik, «Xo‘ja Haqqitepa» yodgorligiga 832 mln so‘mlik va «Tepa-5» yodgorligiga 202 mln so‘mlik zarar yetkazilgan.
Xabarda yodgorliklarga zarar keltirgan shaxslar yoki tashkilotlar haqida ma’lumot berilmagan.
Buxoro viloyati prokuraturasi xabariga ko‘ra, aniqlangan holatlar yuzasidan jinoyat ishi qo‘zg‘atilib, dastlabki tergov harakatlari olib borilmoqda.
Mavzuga oid
07:50 / 21.09.2024
O‘zbekistonda 263 dona qadimiy tangani Turkiyaga yashirincha olib ketayotgan shaxs ushlandi
13:54 / 10.09.2024
2025 yil sentabr oyida Buxoro biyennalesi tashkil etiladi
20:34 / 31.08.2024
“Avvalo o‘zbek tilida yozilsin” - Buxoroda reklama bannerlari va lavhalar nega olib tashlanyapti?
07:32 / 20.07.2024