Ulug‘bek Inoyatov: “Eng kam iste’mol xarajatlari belgilanishi qonun bilan kafolatlanishi kerak”
Prezidentlikka nomzod Ulug‘bek Inoyatov ehtiyojmand aholi qatlamining huquq va manfaatlari kafolatlanishi hamda majburiy undiruvlarni davlat budjetiga yo‘naltirishni taklif qildi.
21 iyun kuni Xalq demokratik partiyasidan prezidentlikka nomzod Ulug‘bek Inoyatovning namanganlik saylovchilar bilan saylovoldi uchrashuvi bo‘lib o‘tdi.
Uchrashuvda Ulug‘bek Inoyatov saylovoldi dasturidagi “Eng kam iste’mol xarajatlarini belgilash tartibi to‘g‘risida”gi qonunni qabul qilish taklifi haqida ma’lumot berdi.
Bu eng kam iste’mol xarajatlari har bir insonning birlamchi hayotiy ehtiyojlariga yetadigan bo‘lishida, ehtiyojmand aholi qatlamining huquq va manfaatlarini kafolatlashda muhim ijtimoiy ahamiyat kasb etadi.
Dasturda, shuningdek, undiriladigan barcha to‘lovlarni (jarima, davlat boji, yig‘im, boshqa majburiy undiruvlar) Davlat budjetiga yo‘naltirish tartibini joriy etish taklif qilinmoqda. Mazkur tashabbus budjet daromadlari oshishiga, parlament nazorati kuchayishiga, ijtimoiy himoya masalalari yanada samarali hal etilishiga asos bo‘ladi.
Mavzuga oid
15:00
Siyosiy partiyalar saylovoldi tashviqotiga oid odob-axloq qoidalarini imzoladi
11:50
Gurjistonda saylovlardagi qonunbuzarliklar YeI bilan vizasiz rejimga tahdid solishi mumkin
20:54 / 20.09.2024
AQShdagi 2024 yilgi saylovlar: so‘rovlar nimani ko‘rsatmoqda?
10:00 / 18.09.2024