Qoʻshimcha funksionallar
-
Tungi ko‘rinish
Indoneziya O‘zbekistondan o‘g‘itlarni import qilishga qiziqish bildirmoqda
O‘zbekiston elchixonasi xodimlari Indoneziyaning PT Pupuk Indonesia kompaniyasi prezidenti Ahmad Bakir Pasaman bilan muzokaralar o‘tkazdi, deb xabar bermoqda «Dunyo».
Muloqot davomida O‘zbekiston va Indoneziya o‘rtasida kimyo sanoati sohasida hamkorlikni kengaytirish masalalari muhokama qilindi.
Kompaniya prezidenti Ahmad Bakir Pasaman O‘zbekiston jadal sur’atlarda rivojlanayotganini va hozirgi vaqtda Indoneziya ishbilarmon doira vakillari hamkorlikka katta qiziqish bildirayotganini ta’kidladi.
Uning aytishicha, O‘zbekiston kimyo sanoati katta istiqbollarga ega, xususan kaliy xlorid mineral o‘g‘iti sifatining darajasi juda yuqori. Indoneziya qishloq xo‘jaligi ehtiyoji uchun O‘zbekistondan xlorid kaliyi va boshqa o‘g‘itlarni import qilishga qiziqish bildirildi.
O‘zbekiston diplomatlari hamkorlik yo‘nalishiga aniqlik kiritish maqsadida Indoneziya tomoniga mamlakat kimyo sanoatida amalga oshirilayotgan investitsiyaviy loyihalar haqida batafsil ma’lumotlarni taqdim etdi.
