Duma harbiy xizmatga chaqiruv qoidalarini buzganlik uchun jazoni kuchaytirdi

25 iyul, seshanba kuni Davlat dumasi deputatlari harbiy ro‘yxatga olish qoidalarini buzganlik uchun jarima miqdorini ko‘paytiruvchi qonun loyihasini ikkinchi va uchinchi o‘qishda qabul qildi. Qonun Rossiya prezidenti tomonidan imzolanishi kerak va kuzgi chaqiruv davrida kuchga kirishi mumkin.

Qonunga ko‘ra, fuqaroning chaqiruv qog‘ozi bo‘yicha harbiy ro‘yxatga olish idorasiga kelmagani uchun jarima 30 ming rublgacha oshiriladi. Boshqa hudud yoki davlatga ko‘chib o‘tish, ta’lim maskani, ish joyi yoki lavozimini, oilaviy ahvolini o‘zgartirish to‘g‘risida harbiy ro‘yxatga olish organiga xabar bermagan harbiy yoshdagi fuqarolar 5000 rubl to‘laydi. Muddatli harbiy xizmatga chaqirish davrida harbiy ro‘yxatga olish bo‘limiga xabar bermasdan ko‘chish chaqiriluvchiga 20 ming rublgacha jarima solish bilan tahdid qiladi. 

Harbiy chaqiruv tadbirlari uchun belgilangan tibbiy ko‘rikdan bo‘yin tovlash harakatlariga 25 ming rublgacha jarima solinadi. 

Mansabdor va yuridik shaxslarga nisbatan ham ko‘plab ma’muriy javobgarlik choralari joriy etildi. Fuqarolarning o‘z vaqtida xabardor qilinishi va kelishini ta’minlash majburiyatini bajarmaganlik, dastlabki harbiy ro‘yxatga olinishi kerak bo‘lgan fuqarolarning ro‘yxatini harbiy xizmatga qabul qilish komissiyasiga taqdim etmaganlik, fuqarolarni harbiy komissarlikka chaqirish to‘g‘risida xabardor qilmaganlik uchun jarimalar va boshqalar shular jumlasidan.