Abduqodir Husanov «MYu»ga qarshi o‘yin uchun «Lans» tarkibidan joy oldi
Fransiyaning «Lans» klubi yangi mavsumga tayyorgarlik doirasida «Manchester Yunayted»ga qarshi maydonga tushadi.
5 avgust, shanba kuni «Old Trafford»da o‘tadigan o‘rtoqlik o‘yini uchun Fransiya klubining tarkibi e’lon qilindi. Unga ko‘ra, lansliklar bosh murabbiyi Frank Ez Abduqodir Husanovni ham Manchesterga yo‘l olgan 22 futbolchidan iborat tarkibga kiritgan. O‘zbekistonlik 19 yoshli himoyachi «Manchester Yunayted»ga qarshi bahsda maydonga tushishi mumkin.
O‘tgan haftada «Lans» o‘yinchisiga aylangan Husanov bungacha jamoasining «Volfsburg» (1:1) va «Torino»ga (0:0) qarshi o‘yinlarida zaxiradan maydonga tushgandi.
Ma’lumot uchun, «Lans»ga qarshi o‘yin «MYu» uchun kelasi hafta start oladigan Premer-liga yangi mavsumi oldidan «Old Trafford»da o‘tkazayotgan birinchi o‘yin sanaladi. O‘rtoqlik bahsi soat 5 avgust, shanba kuni soat 16:45da boshlanadi.
Mavzuga oid
14:19 / 08.06.2024
Abduqodir Husanov «Lans»ning transfer bahosi oshgan yagona o‘yinchisi bo‘ldi
15:50 / 06.06.2024
Yamal, Nevesh, Garnacho – Golden Boy uchun asosiy da’vogarlar, Abduqodir Husanov ham reytingdan joy oldi
16:30 / 30.04.2024
Abduqodir Husanov va Hojimat Erkinov klubi ixtiyoriga qaytdi
15:17 / 26.08.2023