Qoʻshimcha funksionallar
-
Tungi ko‘rinish
Bosh prokurorga yangi o‘rinbosarlar tayinlandi
Samarqand viloyati prokurori bosh prokuror o‘rinbosari lavozimiga o‘tdi.
Fotokollaj / Kun.uz
O‘zbekiston prezidentining tegishli farmonlari bilan bosh prokurorga ikki nafar yangi o‘rinbosar tayinlandi. Adliya katta maslahatchisi, Samarqand viloyati prokurori Jahongir Jo‘rayevich Hotamov O‘zbekiston Respublikasi Bosh prokurori o‘rinbosari lavozimiga tayinlandi.
Jahongir Hotamov 2016-2017 yillarda Jizzax viloyati prokurorining birinchi o‘rinbosari, 2017-2018 yillarda Toshkent shahar prokurorining birinchi o‘rinbosari bo‘lgan, 2018 yil fevralidan 2020 yil oktyabriga qadar Xorazm viloyati prokurori lavozimida ishlagan.
2020-2022 yillarda Namangan viloyati prokurori lavozimida faoliyat olib borgan. 2022 yil fevralida Samarqand viloyati prokurori lavozimiga tayinlangandi.
Shuningdek, adliya katta maslahatchisi Sherzod Jalolovich To‘xtaboyev O‘zbekiston Respublikasi Bosh prokurorining o‘rinbosari lavozimiga tayinlangan.
Sherzod To‘xtaboyev bunga qadar Bosh prokuraturada boshqarma boshlig‘i lavozimida ishlagan.
- Bundan oldinroq, Andijon, Namangan va Samarqand viloyatlariga yangi prokurorlar tayinlangani xabar qilingandi, xususan, Samarqand viloyatida Hotamov o‘rniga Murodqosim Eshnazarov ish boshlagan.
Mavzuga oid
15:44 / 01.11.2024
Andijon viloyati hokimi o‘rinbosari qamoqqa olindi
18:28 / 30.10.2024
Maktabgacha va maktab ta’limi vaziriga yangi birinchi o‘rinbosar tayinlandi
18:32 / 28.10.2024
Qoraqalpog‘iston Respublikasi Vazirlar Kengashi raisiga yangi o‘rinbosar tayinlandi
18:15 / 28.10.2024