Raneri Shomurodovning asosiy tarkibda o‘ynamayotgani sababini aytdi
Italiyada yangi mavsum start olishi arafasida Klaudio Raneri «Kalyari» hujum chizig‘idagi holat va Eldor Shomurodov haqida fikrini bildirdi.
Mavsumning dastlabki rasmiy o‘yini sanalmish Italiya kubogi 1/32 final bosqichi doirasidagi «Palermo»ga qarshi o‘yin oldi matbuot anjumanida Raneri o‘zbekistonlik hujumchi jamoaga moslashayotganini ma’lum qildi.
«Eldor Shomurodovda hammasi joyida, u jamoaga moslashishda davom etmoqda. Lapadula jarohat sababli safdan chiqqani sababli hozirda menda faqat bitta hujumchi bor – Pavoletti. Ya’ni, tanlov katta emas. Shomurodov tayyor, ammo u yaxshi moslashib olishi kerak. Tez orada u 100 foizga tayyor bo‘ladi», - deya italiyalik murabbiyning so‘zlarini keltirgan TuttoCagliari.
Eslatib o‘tamiz, 28 yoshli hujumchi «Komo»ga qarshi o‘rtoqlik o‘yinida (2:1) zaxiradan maydonga tushgan bo‘lsa, «Brest» bilan Fransiyadagi bahsda (1:1) zaxirada qoldirildi.
Avvalroq, kalyariliklarning o‘tgan mavsumdagi eng yaxshi goleadori Janluka Lapadula tizzasidan jarohat olib, uzoq muddatga safdan chiqqani ma’lum qilingandi.
Ma’lumot uchun, «Kalyari» - «Palermo» o‘yini 12 avgust, shanbadan yakshanbaga o‘tar kechasi soat 00:15da boshlanadi.
Mavzuga oid
12:18 / 26.08.2024
Shomurodov gol urishni boshladi, «Chelsi» futbolchilari «quturdi». Yevropada kun o‘yinlari
14:30 / 13.08.2024
Shomurodov MLS klubiga o‘tishi mumkin. Muzokaralar boshlandi - Romano
21:43 / 05.06.2024
Fayzullayev Shomurodovni ortda qoldirib, O‘zbekistonning eng qimmatbaho futbolchisiga aylandi
18:51 / 03.06.2024