Xonkendidagi portlashda 200 dan ortiq kishi jabrlandi
Xonkendi-Askeran avtomobil yo‘lidagi benzin omborining portlashi oqibatida halok bo‘lganlarning soniga aniqlik kiritilmoqda. Yaradorlar Armanistonga yetkazilyapti.
Qorabog‘da 25 sentabr, dushanba kuni kechqurun Xonkendi-Askeran avtomobil yo‘lidagi benzin omborining portlashi natijasida 200 dan ortiq odam jabrlandi. Bu haqda mintaqaviy ombudsman Gegam Stepanyan X ijtimoiy tarmog‘ida ma’lum qildi. Halok bo‘lganlarning aniq soni noma’lum.
Armanistonning 24news internet nashri Armaniston sog‘liqni saqlash vazirligiga tayanib yozishicha, qutqaruvchilar jabrlanganlarni havo va quruqlik orqali kasalxonalarga yetkazishni tashkil qilmoqda, yaradorlarni Armanistonga jo‘natish bo‘yicha operatsiyaga vertolyotlar jalb qilinmoqda.
«Benzin omborining portlashi natijasida jabrlanganlar soni 200 nafardan oshdi. Ularning aksariyatining ahvoli og‘ir yoki o‘ta og‘ir deb baholanmoqda. Qorabog‘ tibbiy imkoniyatlari ularni qutqarib qolish uchun yetarli emas. Tez tibbiy yordam aviatsiyasidan foydalanish kerak», - deydi Gegam Stepanyan.
Mavzuga oid
10:06 / 12.09.2024
Samarqandda gaz portlagan «dom» aholisi evakuatsiya qilinmoqda
20:52 / 30.08.2024
Germaniyada Ukraina uchun qurol ishlab chiqaradigan Diehl kompaniyasi zavodida portlash sodir bo‘ldi
00:20 / 25.08.2024
Fransiyada sinagoga yaqinida portlash sodir bo‘ldi
10:29 / 27.07.2024