Qoʻshimcha funksionallar
-
Tungi ko‘rinish
Rishi Sunak Isroilga keldi
Foto: Getty Images
Buyuk Britaniya bosh vaziri Rishi Sunak Tel-Avivga kelib qo‘ndi. U bu yerda Isroil bosh vaziri Binyamin Netanyahu va prezident Ishoq Gersog bilan uchrashmoqchi.
Buyuk Britaniya bosh vaziri matbuot xizmati xabar berishicha, Sunak Isroil rasmiylari bilan G‘azo sektori uchun insonparvarlik yordami yetkazib berish va anklav aholisini xavfsiz hududga ko‘chirish masalalarini muhokama qilmoqchi.
Britanlar bosh vaziri Tel-Aviv aeroportida o‘zini qarshi olgan jurnalistlar qarshisida HAMASning Isroilga 7 oktyabr kuni uyushtirgan hujumini «qo‘rqinchli» terakt deb atagan.
U Buyuk Britaniya Isroilni qo‘llashini tasdiqlagan.
«Men bosh vazir va prezident bilan uchrashuvlarni intiqlik bilan kutmoqdaman, ular samarali bo‘lishiga umid qilaman», — degan Sunak.
Britanlar bosh vaziri Tel-Avivga mahalliy vaqt bilan soat 09:00 atrofida kelib qo‘ndi. U 18 oktyabr kuni kechqurun Kiprga uchgandi, u yerdan Isroilga yo‘l olgan.
Sunak endi yaqin soatlar ichida Isroil rahbarlari bilan uchrashish uchun Quddusga (Iyerusalim) yo‘l oladi.
18 oktyabr kuni AQSh prezidenti Jo Bayden Isroilga tashrif buyurgandi. Yaqin vaqtlar ichida Fransiya prezidenti Emmanuel Makron ham kelishi kutilmoqda.
Hamas–Isroil urushi
Mavzuga oid
12:00
Isroil mudofaa vaziri: «Hizbulloh» mag‘lub etib bo‘lindi
10:45 / 09.11.2024
Livan: Isroilning UNIFIL va Livan armiyasi harbiylariga hujumlari urush jinoyatlari hisoblanadi
17:40 / 08.11.2024
«Makkabi» muxlislari Amsterdamda Falastin bayrog‘ini yoqib, tartibsizlik keltirib chiqarishdi va so‘ng taksichilar taqibiga uchrashdi
17:32 / 08.11.2024