Elektr samokatlarni qanday qilib hamma uchun qulay qilish mumkin – IZZY

IZZY kikshering kompaniyasi elektr samokatlarni ermak sifatida emas, balki zamonaviy transport sifatida ko‘rsatmoqda. Rahbarlar o‘zlarining misollarida biznes qulay va xavfsiz shahar qurish orqali davlat va fuqarolar bilan qanday ishlashi mumkinligini ko‘rsatmoqchilar. 

Brend asoschilari – Xoren Lazaryan va Sharof Ashurov transport sanoati sohasida ko‘p yillik xalqaro tajribaga ega va mahalliy infratuzilma hamda bozorni tushunadigan mutaxassislardir. 

IZZY jamoasi ongli haydash madaniyatini rivojlantirish va shahar infratuzilmasini yaxshilashni rejalashtirmoqda. Bunda davlat, bozordagi boshqa o‘yinchilar va foydalanuvchilar bilan hamkorlik qilishga intiladi. 

Elektr samokat – bu ermak emas! 

IZZY asoschilaridan biri Xoren Lazaryanning fikriga ko‘ra, Toshkentda elektr samokatlarning paydo bo‘lishi bilan bog‘liq asosiy muammo bu tizimli yondashuvning yo‘qligi. Ba’zi foydalanuvchilar individual harakat vositalariga (IZZY rahbarlari samokatlarni shunday atashni taklif qilishadi) ermak sifatida qaradi, ularga boshqaruv qoidalari tushuntirilmagan, infratuzilma tayyor emas edi. Natijada, katta aholi qisman samokatlarni transport betartibligi muammosini hal qilish emas, balki uni kuchaytirish sifatida qabul qila boshladilar. 

Davlat shahar harakatining nisbatan yangi ishtirokchilarini tartibga solishga intilmoqda. 2023 yil 10 oktyabrda O‘zbekiston Respublikasi Vazirlar Mahkamasining "Yo‘l harakati qoidalariga o‘zgartish va qo‘shimchalar kiritish to‘g‘risida" gi qarori loyihasi e’lon qilindi.

 Yangilik foydalanuvchilar orasida ma’lum bir reaksiyaga va biznes vakillarining qo‘rquviga sabab bo‘ldi. Ayniqsa, elektr samokatlar uchun tezlikni cheklash, yo‘l harakati xavfsizligi davlat xizmatida ro‘yxatdan o‘tish va ularni boshqarish huquqini olish bo‘yicha ko‘plab savollar mavjud edi.

Yo‘l harakati xavfsizligi – bizning umumiy mas’uliyatimiz! 

Toshkentdagi kikshering bozoriga kirib, IZZY qatnov yo‘lida elektr samokatlarga 20 km/soat avtomatik tezlik chegarasini o‘rnatdi va tezlikni 5 km/soatgacha cheklash orqali samokatlardan foydalanish uchun parklar va skverlar maydonlarini samarali ravishda yopdi. Kompaniya ushbu cheklovlarni yo‘llardagi vaziyatni baholab va xalqaro amaliyotga asoslanib amalga oshirdi. Endi O‘zbekistonda bunday cheklovlar qonunan belgilanishi rejalashtirmoqda. 

Brendning barcha samokatlari yangi va muntazam texnik xizmatdan o‘tadi. Ular yorug‘lik aks ettiruvchi elementlar, burilish lampalari, faralar, amortizatsiya va ikki g‘ildirakli tormozlash bilan jihozlangan. 

Har bir qurilma individual raqamga ega – bu xizmat ko‘rsatishda ularni qayd etishni ancha osonlashtiradi. Xoren Lazaryan va Sharof Ashurovning fikricha, kikshering firmalarining o‘zlari bunday raqamlashi yetarli – Vazirlar Mahkamasi loyihasida taklif qilinganidek, samokatlarni yo‘l harakati xavfsizligi davlat xizmatida ro‘yxatdan o‘tkazishga hojat yo‘q. Agar haydovchi kompaniyaning samokatidan foydalangan holda yo‘l harakati qoidalarini buzsa, uning shaxsini samokat raqami va u ro‘yxatdan o‘tgan telefon raqamini taqqoslash orqali aniqlash oson bo‘ladi. 

Jamoa mustaqil ravishda yoki bozorning boshqa ishtirokchilari bilan hamkorlikda foydalanuvchilarga individual transportni boshqarishga ongli ravishda yondashishga yordam berishga tayyor. Masalan, kompaniya "IZZY Driving Academy" ni tashkil qildi, u yerda foydalanuvchilar kerakli ko‘nikmalarga ega bo‘lishlari mumkin. Bu baxtsiz hodisalar, jarohatlar xavfini kamaytirishga, xavfsizlik va haydash madaniyatini oshirishga yordam beradi.

IZZY brendi GROSS sug‘urta kompaniyasi tomonidan boshlangan "Xavfsiz Harakat" loyihasiga qo‘shilishni rejalashtirmoqda. Loyihaning maqsadi – xavfsiz yo‘l harakatini targ‘ib qilish – IZZY tamoyillariga mos keladi.

IZZY kompaniyasi shaharning tashqi ko‘rinishi haqida ham qayg‘uradi, shuning uchun u piyodalar, to‘xtash joylariga xalaqit bermaslik va ko‘chalarning ko‘rinishini buzmaslik uchun o‘z elektr samokatlarining stansiyalarini organik ravishda joriy etishga harakat qiladi. Bundan tashqari, brend ba’zi joylarda panduslar, ariqlar ustida tezlikni pasaytirish uchun to‘siqlar qo‘yish, bordyurlarni tartibga solish, yo‘llarni bo‘yash va hokazolarni tashkil qilishni rejalashtirmoqda. 

Xizmat asoschilari birgalikda ishlashga, tajriba almashishga va xavfsiz va qulay shaharni yaratishga hissa qo‘shishga tayyor.