O‘zbekiston, Turkmaniston, Eron va Turkiya yangi xalqaro transport yo‘lagini shakllantirish yuzasidan kelishib oldi
Osiyo-Tinch okeani mintaqasi davlatlaridan Yevropa Ittifoqi mamlakatlarigacha O‘zbekiston, Turkmaniston, Eron, Turkiya hududlari orqali yuk tashish tashkil etiladi.
Iqtisodiy hamkorlik tashkilotiga a’zo mamlakatlar transport vazirlarining 12-yig‘ilishi doirasida O‘zbekiston, Turkmaniston, Eron va Turkiya transport sohasidagi manfaatdor vazirliklarining Osiyo va Yevropa o‘rtasida xalqaro multimodal yo‘lagini shakllantirish bo‘yicha ko‘p tomonlama uchrashuvi bayonnomasi imzolandi.
Transport vazirligi ma’lumotiga ko‘ra, «O‘zbekiston – Turkmaniston – Eron – Turkiya» xalqaro multimodal yo‘lagini shakllantirish bo‘yicha imzolangan bayonnoma quyidagilarni nazarda tutadi:
- Osiyo-Tinch okeani mintaqasi davlatlaridan Yevropa Ittifoqi mamlakatlarigacha O‘zbekiston, Turkmaniston, Eron, Turkiya hududlari orqali yuk tashishlarni tashkil etish;
- raqobatbardosh tarif stavkalarini qo‘llash va O‘zbekiston, Turkmaniston, Eron va Turkiya temiryo‘llarida yuk tashish uchun qulay sharoitlar yaratish;
- yo‘nalish bo‘ylab yuk tashishlarni tashkil etishda normativ-huquqiy va texnik standartlarni birxillashtirish bo‘yicha chora-tadbirlarni hamkorlikda ishlab chiqish;
- yo‘lak ishtirokchi-davlatlari o‘rtasida transport sohasidagi bog‘liqlikni oshirish.
Mavzuga oid
12:50 / 21.09.2024
Pokiston O‘zbekiston ishtirokidagi xalqaro transport yo‘lagini tashkil etish bo‘yicha memorandumni imzoladi
09:20 / 09.09.2024
Suv havzalarida motorli transport vositalari harakatiga ruxsat beriladi
10:52 / 26.08.2024
Chexiya O‘zbekistonda transport sohasida qo‘shma loyihalarni amalga oshiradi
21:31 / 23.07.2024