Gabriel Attal Fransiyaning yangi bosh vaziri bo‘ldi
Yaqin orada u prezident Emmanuel Makronga yangi hukumatni shakllantirish bo‘yicha takliflar kiritishi kerak.
Fransiya bosh vaziri lavozimiga 34 yoshli ta’lim vaziri Gabriel Attal tayinlandi, deb xabar berdi DW.
Attal Fransiya tarixidagi eng yosh bosh vazir bo‘ldi. Yaqin orada u prezident Emmanuel Makronga yangi hukumatni shakllantirish bo‘yicha takliflar kiritishi kerak.
8 yanvar kuni Fransiya bosh vaziri Elizabet Born iste’foga chiqishini e’lon qildi va Makron buni qabul qilgan edi. Born vazirlar mahkamasiga 1 yilu 7 oy rahbarlik qildi. Bu vaqt ichida u Konstitutsiyadagi parlament roziligisiz qonun qabul qilishni nazarda tutuvchi bandga 23 marta murojaat qildi, jumladan, ommaviy noroziliklarga sabab bo‘lgan pensiya islohoti qonunini.
Attal Makronning «Uyg‘onish» partiyasiga 2016 yilda a’zo bo‘lgan. Keyinchalik u partiya matbuot kotibi lavozimini egalladi, so‘ngra hukumatdagi birinchi lavozimiga tayinlandi.
Mavzuga oid
21:36
Fransiyada talabalar arxeologik qazish ishlari davomida 200 yillik maktubni topdi
12:10
Ukraina harbiy uchuvchilari Fransiyada tayyorgarlikni yakunladi
23:37 / 14.09.2024
Olimlar 50 ming yil g‘orda izolyatsiyada yashagan neandertallar qoldiqlarini topdi
15:24 / 12.09.2024