Kuchli shamol tufayli Samarqand viloyatining aholi zich yashaydigan to‘rtta hududida elektr ta’minoti o‘chirildi
Urgut, Past Darg‘om, Samarqand tumanlari va Samarqand shahrida 12 mingdan oshiq iste’molchi elektr ta’minotidan uzilgan. Yuqoridagi hududlarda qariyb 2 million aholi yashaydi.
Bugun, 13 yanvar kuni Samarqand viloyatida kuchli shamol esayotgani tufayli xavfsizlikni ta’minlash maqsadida ayrim elektr tarmoqlari o‘chirilgan. Bu haqda Energetika vazirligi matbuot xizmati xabar bermoqda.
Jumladan, Urgut, Past Darg‘om, Samarqand tumanlari hamda Samarqand shahrida 12 500 ta iste’molchi qisman elektr ta’minotidan uzilgan.
“Kuchli shamol esishi to‘xtagach, elektr energiyasi yetkazib berilishi ta’minlanadi. Keltirilgan noqulayliklar uchun iste’molchilardan uzr so‘raymiz”, deyiladi xabarda.
Ma’lumot uchun, 12 yanvar kuni tundan boshlab Samarqand viloyatining bir qator hududlarida vaqti-vaqti bilan kuchli shamol esib turibdi. “O‘zgidromet” 13 yanvar kuni joylarda shamol tezligi sekundiga 15-20 metrgacha yetishini ma’lum qilgandi.
Ijtimoiy tarmoqlarda kuchli shamol tufayli Samarqand shahrida ko‘cha chetida turgan Cobalt mashinasi ustiga daraxt qulab tushgani tasvirlangan fotosurat ham tarqaldi.
Avvalroq, 10 yanvar kuni kuchli shamol Jizzax viloyati Forish tumani hokimligi majlislar zali binosining tomini uchirgan va oqibatda oltita mashina shikastlangandi.
Mavzuga oid
18:08 / 20.09.2024
Amerikada erkak 18 yil birovning “svet”iga pul to‘lab kelgani aniqlandi
19:00 / 13.09.2024
Urgutda tabiatga 1 mlrd so‘mdan ortiq zarar yetkazilgani ma’lum bo‘ldi
15:00 / 07.09.2024
Ikki hududda elektrdan noqonuniy foydalanganlar 400 mln so‘mdan ziyod zarar yetkazdi
08:35 / 04.09.2024