«Tayvan - Xitoyning ajralmas qismi» - O‘zbekiston TIV Tayvandagi prezidentlik saylovi yuzasidan munosabat bildirdi
Vazirlik O‘zbekiston hukumati «Yagona Xitoy» tamoyilini qat’iy qo‘llab-quvvatlashi va Tayvan Xitoyning ajralmas qismi ekanini ta’kidladi.
O‘zbekiston Tashqi ishlar vazirligi 13 yanvar kuni Tayvanda bo‘lib o‘tgan prezidentlik saylovlari yuzasidan bayonot berdi.
Vazirlik O‘zbekiston tomoni Tayvanda bo‘lib o‘tgan saylovlar bilan bog‘liq vaziyatni diqqat bilan kuzatib borayotganini ta’kidlagan.
«Yagona Xitoy» tamoyilini qat’iy qo‘llab-quvvatlashimiz va Xitoy Xalq Respublikasi hukumati Xitoyning yagona qonuniy hukumati, Tayvan esa Xitoy hududining ajralmas qismi ekanligini yana bir bor ma’lum qilamiz», — deya ta’kidladi TIV.
O‘zbekiston ikki sohil o‘rtasidagi munosabatlarning tinch yo‘l bilan rivojlanishining qat’iy tarafdori hamda XXR hukumatining Xitoyni birlashtirish yo‘lidagi barcha sa’y-harakatlarini qo‘llab-quvvatlashi qo‘shimcha qilingan.
- Ma’lumot uchun, Tayvandagi prezidentlik saylovida hukmron Demokratik taraqqiyot partiyasi nomzodi, amaldagi vitse-prezident Uilyam Lay (Lay Sinde) 40 foizdan ortiq ovoz olgan holda g‘alaba qozondi. U Xitoyga iqtisodiy qaramlikni qisqartirish va AQSh bilan yaqinlashish tarafdori hisoblanadi.
Mavzuga oid
21:07 / 20.09.2024
Osiyoda NATOning o‘xshashi tashkil etilishi mumkin
22:28 / 19.09.2024
AQSh Harbiy-dengiz kuchlari Xitoy bilan urushga tayyorgarlik rejasini e’lon qildi
21:34 / 16.09.2024
Tencent internet giganti asoschisi Xitoyning eng badavlat insoniga aylandi
00:18 / 15.09.2024