Qanot Sharq Buxoro va Jidda shaharlari o‘rtasida muntazam qatnovlarni yo‘lga qo‘ydi
Mahalliy aviakompaniya hisoblangan Qanot Sharq Buxoro – Jidda – Buxoro yo‘nalishida muntazam qatnovlarini boshladi. Reyslar haftada bir marta Airbus A320 samolyotida amalga oshrilishi ma’lum qilindi.
7 fevraldan boshlab Qanot Sharq mahalliy aviakompaniyasining Saudiya Arabistoni Jidda shahriga 2 tomonlama reyslari qo‘yildi. Toshkent vaqti bilan soat 10:03 da aviakompaniya samolyoti Buxoro xalqaro aeroportiga qo‘ndi va shu bilan uning Buxoro — Jidda — Buxoro yo‘nalishi bo‘yicha muntazam qatnovlariga start berildi. Bu haqda Uzbekistan Airports xabar berdi.
Qayd etilishicha, Buxorodan Jiddaga yo‘lovchi reyslari haftada bir marta — dushanba kunlari Airbus A320 samolyotlarida amalga oshiriladi.
Eslatib o‘tamiz, Qanot Sharq bundan avvalroq Jiddaga Namangan xalqaro aeroportidan ham birinchi parvozini muvaffaqiyatli amalga oshirgandi. O‘sha vaqtda aviakompaniya hozirgi kunga qadar arab mamlakatiga aviareyslarni Toshkent shahridan bajarib kelgan.
Ma’lumot uchun, Qanot Sharq aviakompaniyasi parkida Airbus A320, A321neo va A330 mavjud bo‘lib, ichki va xalqaro aviatashuvlarni amalga oshiradi.
Mavzuga oid
07:50 / 21.09.2024
O‘zbekistonda 263 dona qadimiy tangani Turkiyaga yashirincha olib ketayotgan shaxs ushlandi
13:54 / 10.09.2024
2025 yil sentabr oyida Buxoro biyennalesi tashkil etiladi
15:00 / 04.09.2024
Xalqaro ta’lim xabi. Vengriyada ta’lim olishning muhim jihatlari
20:34 / 31.08.2024