Britaniyalik investorlar O‘zbekiston telekommunikatsiya sohasiga sarmoya kiritmoqchi
O‘zbekiston elchixonasida Britaniyaning Stephen Simeon Limited kompaniyasi direktori Biyi Oloko bilan muzokaralar o‘tkazildi.
"Dunyo" xabariga ko‘ra, uchrashuv davomida Biyi Oloko O‘zbekistonga so‘nggi yillar ichida bir necha bor tashrif buyurganini bildirdi hamda ayni paytda respublikada telekommunikatsiyalar sohasida olib borilayotgan islohotlar va investitsion muhitning barqarorligi unda loyihalarni amalga oshirish istagini uyg‘otganini ma’lum qildi.
Biyi Oloko mamlakatda faoliyat olib borayotgan mobil aloqa minoralarini xususiylashtirish hisobiga aloqa bozorida yangi tijorat tizimini yaratish istagida hamda bu loyihaga 10 million dollar sarmoya kiritishga tayyor.
Muzokaralar yakunida Britaniya tomoni 18-20 mart kunlari Toshkent va Samarqand shaharlarida o‘tkazilishi rejalashtirilayotgan Offshore Outsourcing Tour tadbirida hamda 2 may kuni Toshkent shahrida bo‘lib o‘tadigan Toshkent xalqaro investitsiya forumida qatnashish istagini bildirdi.
Mavzuga oid
10:30 / 20.09.2024
O‘zbekiston va Britaniya bo‘lajak diplomatlarni tayyorlash sohasida hamkorlik qilishi mumkin
22:48 / 18.09.2024
Britaniyada kapalaklar kamayib ketayotgani tufayli «favqulodda holat» e’lon qilindi
13:12 / 18.09.2024
Buyuk Britaniyada qirollik fermasi uchun cho‘pon qidirilmoqda
13:20 / 16.09.2024