Germaniyaning yirik ko‘rgazmalar tashkilotchisi O‘zbekistonda vakolatxonasini ochmoqda

«Dunyo» xabariga ko‘ra, anjumanda BMCA Uzbekistan Messe Frankfurt xalqaro ko‘rgazma konsernidan O‘zbekistonda yirik ko‘rgazmalarni tashkil qilish uchun akkreditatsiya olganligi e’lon qilindi. Endi Automechanika, Futuroad, Scalex, Heimtextile, Texworld, Apparel Sourcing va BeautyWorld kabi xalqaro ko‘rgazmalar CAEx hududida o‘tkazilishi mumkin.

Messe Frankfurt Group vitse-prezidenti Stefan Kursavski tadbirdagi nutqida kompaniyaning mintaqadagi faoliyati kengayishiga ishonch bildirib, O‘zbekiston Sharq va G‘arb o‘rtasida ko‘prik vazifasini o‘tashini qayd etdi. Ko‘rgazmalarning o‘tkazilishi sarmoya jalb etish, sanoatni rivojlantirish va mamlakatda ishbilarmonlik muhitini yaxshilashga xizmat qiladi.