Toshkent shahri va Xorazmda o‘z uyida mayning ferma tashkil etgan shaxslar aniqlandi
Ikki holatda qariyb 400 mln so‘mlik elektr energiyasi o‘g‘irlangan.
Toshkent shahri va Xorazm viloyatida mayning ferma tashkil qilib, elektr energiyasidan noqonuniy foydalangan shaxslar aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.
Ma’lum qilinishicha, departamentning Xorazm viloyat boshqarmasi tomonidan “O‘zenergoinspeksiya” hududiy boshqarmasi va IIB xodimlari hamkorligida tezkor tadbir o‘tkazilgan. Unda Yangibozor tumani “Yangiyop” MFYdagi xonadonda yashovchi J.T. o‘z uyida 2 ta to‘plamdagi mayning kripto-aktivlari qurilmasini tijorat maqsadida umumiy foydalanishdagi elektr tarmog‘iga o‘g‘rilik yo‘li bilan ulab, jami 321 mln so‘mlik elektr energiyasidan noqonuniy foydalanganligi aniqlangan.
Shu kabi, departamentning Olmozor tuman bo‘limi tomonidan DXX va ETK xodimlari bilan hamkorlikda o‘tkazilgan tezkor tadbirda “Namuna” MFYdagi xonadonda yashovchi O.Sh. o‘z uyida mayning kripto-aktivlari qurilmasini umumiy foydalanishdagi elektr tarmog‘iga ulab, 65,3 mln so‘mlik elektr energiyasidan noqonuniy foydalanganligi fosh etilgan.
Hozirda ikki holat yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Jizzax shahrida yashash xonadonida noqonuniy mayning ferma tashkil etgan shaxs ushlangani xabar qilingandi.
Mavzuga oid
18:40 / 18.09.2024
Urganch davlat universiteti tomonidan o‘tkazilgan tenderda qonunbuzilishi aniqlandi
11:40 / 10.09.2024
Xorazmda 4 tup daraxt kesgan shaxs jarima va zarar uchun 27,8 mln so‘m to‘laydi
10:43 / 05.09.2024
Latviya Xorazmda matematika va IT yo‘nalishida maktab ochadi
13:30 / 20.08.2024