Tusk muxolifatchi Volkovga suiqasd uyushtirishga buyurtma bergan shaxs ushlanganini ma’lum qildi

Polshada rossiyalik muxolifatchi, Aleksey Navalniy shtabining sobiq rahbari Leonid Volkovga hujum uyushtirishga buyruq bergan shaxs qo‘lga olindi. Bu haqda 19 aprel, juma kuni Polsha bosh vaziri Donald Tusk ma’lum qildi. «Ikki polyakka Navalniyning tarafdorini o‘ldirishni buyurgan, rossiyaliklar uchun ishlagan Belarus fuqaro qo‘lga olindi», — deb yozdi Tusk X ijtimoiy tarmog‘ida.

U, shuningdek, Volkovga hujum qilgan ikki shaxs ushlangani haqidagi ma’lumotni tasdiqladi va ular «ultras muxlislar doiralari bilan bog‘liq» ekanligini aniqladi. «Rossiya xizmatlarining sheriklariga nisbatan hech qanday yumshoq munosabat bo‘lmaydi, - dedi Polsha bosh vaziri. - Biz har bir xiyonatni va beqarorlik uchun har qanday urinishni yoqib yuboramiz». 

Avvalroq Litva prezidenti Gitanas Nauseda Polsha 12 mart kuni Vilnyusda Volkovga suiqasd uyushtirishga aloqador ikki kishini qo‘lga olganini ma’lum qilgan edi. Unga ko‘ra, gumondorlar tez orada Litvaga topshirilishi kerak. 

Bir kun avval Polsha huquq-tartibot idoralari Ukraina prezidenti Volodimir Zelenskiyga suiqasd uyushtirishda gumon qilingan Polsha fuqarosini qo‘lga oldi. U Rossiya harbiy razvedkasiga ma’lumot uzatganlikda va «Rossiya maxsus kuchlariga Zelenskiyga ehtimoliy suiqasdni rejalashtirishda» yordam berganlikda ayblanmoqda.